“We Betelehemu Efrata, . . . Muli iwe e mukafuma uukaba kateka mu Israele.”

Mika 5:2

“Ilyo papitile inshita ukutula apo Yesu afyalilwe mu musumba wa Betelehemu uwa mu Yudea mu nshiku sha Mfumu Herode, moneni! ababukila ku ntanda abafumine ku kabanga baliile ku Yerusalemu.”

Mateo 2:1

“Ba-akana ifya kufwala fyandi, kabili bapendula pa kwakana ica kufwala candi.”

Amalumbo 22:18

“Nomba ilyo abashilika bapoopeele Yesu pa cimuti, babuulile ifya kufwala fyakwe ifya kunse bafyakanya apali 4. . . . Babuulile ne ca kufwala cakwe ica mu kati. Ici ica kufwala tacakwete umulundo ukufuma pa muulu ukufika panshi. E ico balanshenye abati: ‘Twicilepula iyo, lelo natupendule, pa kuti twishibe uwalacisenda.’”

Yohane 19:23, 24

“Alalinda amafupa yakwe yonse; takwaba nangu limo ilyakontokapo.”

Amalumbo 34:20

“Ilyo bafikile pali Yesu, basangile ukuti nafwa kale, e ico tabamufunine amolu.”

Yohane 19:33

“Ico bamulashiile ni pa mulandu wa filubo fyesu.”

Esaya 53:5

“Lelo umushilika umo amulashile ifumo mu mbafu, kabili ilyo line umulopa na menshi fyalifumine.”

Yohane 19:34

“Bampeele amalipilo yandi, indalama sha silfere 30.”

Sekaria 11:12, 13

“Lyena umo pa basambi 12 uo baleita ati Yuda Iskariote, aile ku ntungulushi sha bashimapepo kabili abepwishe ati: ‘Finshi mukampeela nga namufutuka pa kuti mukamwikate?’ Nabo bamwebele abati bali no kumupeela indalama sha silfere 30.”

Mateo 26:14, 15; 27:5