ICIPUSHO NA. 8
Bushe Lesa e Walenga Abantu Balecula?
“Lesa wa cine te kuti acite ifyabipa, Uwa Maka Yonse te kuti acite icishalungama!”
“Ilyo umuntu aeshiwa, etila: ‘Ni Lesa e ulenjesha.’ Pantu takuli uwingatunka Lesa ukucita ifyabipa, kabili umwine tesha muntu nangu umo.”
“Mulepoosa amasakamika yenu yonse pali ena, pantu alamusakamana.”
“Yehova tashingashinga ukufikilisha ifyo alaya, nangu ca kuti bamo batila alashingashinga, lelo alamutekanishisha pantu tafwaya umuntu nangu umo akonaike, lelo afwaya ukuti bonse bakalapile.”
