ICIPUSHO NA. 1
Bushe Lesa Nani?
“Abantu nabeshibe ukuti ishina lyenu ni Yehova, kabili ni mwe mweka mwe Bapulamo pano isonde ponse.”
“Ishibeni ukuti Yehova e Lesa. E watubumbile, kabili tuli bantu bakwe.”
“Nine Yehova. Ili e shina lyandi; nshakapeele umbi ubukata bwandi, kabili nshakapeele ifimpashanya amalumbo yandi.”
“Onse uulilila kuli Yehova no kulumbula ishina lyakwe akapusuka.”
“Ca cine ing’anda yonse muntu akuula, lelo uwabumbile ifintu fyonse ni Lesa.”
“Lolesheni mu muulu no kumona. Nani uwabumbile ishi intanda? Ni uyo uutungulula ibumba lya shiko kabili uushipenda; shonse alashita amashina ya shiko. Pa mulandu wa kuti alikwatisha amaka, kabili amaka yakwe ya kutiinya, tapabulila nangu lumo.”
Nalimo Kuti Mwatemwako ne fi
AMASAMBILISHO YA MU BAIBO AYACINDAMA
Bushe Lesa Alikwata Ishina?
Lesa alikwata amalumbo ayengi pamo nga Uwa Maka Yonse, Kabumba, na Shikulu. Lelo Lesa alikwata ishina ilyo balemba imiku 7,000 mu Baibolo.
