ICIPUSHO NA. 10
Finshi Baibo Yalaya Ukuti e Fikacitika ku Ntanshi?
“Abalungama e bakekala mu calo, kabili bakekalamo umuyayaya.”
“Isonde likatwalilila ukubako.”
“Akamina imfwa umuyayaya, kabili Shikulu Mulopwe Yehova akakuumuna ifilamba ku menso yonse.”
“Pali ilya nshita amenso ya bashimona yakamona, na matwi ya bakoma amatwi yakatendeka ukumfwa. Pali ilya nshita uwalemana akacilauka nge nsebula, kabili ululimi lwa kwa cibulu lukaula akapundu. Mu matololo mukalafukauka amenshi, ne milonga ikalapita mu fiswebebe.”
“Akakuumuna ifilamba fyonse ku menso yabo, ne mfwa tayakabeko na kabili, takwakabe no kuloosha nangu ukuteta nangu ukukalipwa na kabili. Ifya kale nafipita.”
“Bakakuula amayanda no kwikalamo, kabili bakalima amabala ya myangashi no kulya ifisabo fya yako. Tabakakuule amayanda e lyo abantu bambi bakekalemo, kabili tabakalimbe ifimuti fya myangashi e lyo abantu bambi bakalye ifisabo fya iko. Pantu inshiku sha bantu bandi shikaba nge nshiku sha cimuti, kabili abantu bandi abo nasala bakasekelamo nga nshi mu mulimo wa minwe yabo.”
