Ku BaHebere 10:1-39
-
Amalambo ya nama yalileka ukubomba (1-4)
-
Amafunde cinshingwa (1)
-
-
Ilambo lya kwa Kristu lyatuuliilwe umuku wa limo (5-18)
-
Inshila ya kwingililamo iipya kabili iya mweo (19-25)
-
Twilapuswa mu kulongana (24, 25)
-
-
Abasoka pa kubembukila ku mufulo (26-31)
-
Ukushipikisha pa mulandu wa kushipa no kuba ne citetekelo (32-39)
10 Apo Amafunde yaba fye cinshingwa+ ca fintu ifisuma ifikesa, lelo tayaba e ifyo fine fintu ifikesa,+ te kuti yalenge* abapalamina kuli Lesa baba abapwililika+ pa mulandu wa aya malambo ayo batuula lyonse cila mwaka.
2 Nga tacali ifi, bushe nga tabalekele ukutuula amalambo? Pantu ababomba umulimo wa kwa Lesa nga basangululwa kuti baleka ukwibukisha ukuti babembu.
3 Lelo aya malambo, cila mwaka yalebukisha abantu ukuti babembu,+
4 pantu umulopa wa ng’ombe ishilume no wa mbushi te kuti ufumyepo imembu.
5 E ico ilyo aishile pano calo, aebele Lesa ati: “‘Tamwalefwaya ilambo no mutuulo, lelo mwampekanishishe umubili.
6 Tamwatemenwe imituulo ya koca iituntulu ne mituulo ya pa lubembu.’+
7 Lyena natile: ‘Moneni! Naisa (mu cimfungwa* balilanda pali ine) mu kucita ifyo mufwaya, mwe Lesa.’”+
8 Pa numa ya kulanda ati: “Tamwalefwaya kabili tamwatemenwe amalambo ne mituulo, ne mituulo ya koca iituntulu ne mituulo ya pa lubembu”—amalambo ayo batuula ukulingana na Mafunde—
9 lyena alandile ati: “Moneni! Naisa mu kucita ifyo mufwaya.”+ Afumyapo ica kubalilapo pa kuti abikepo icalenga bubili.
10 Ifi fine ifyo “mufwaya”+ e fyalengele tube aba mushilo ukupitila mu mubili wa kwa Yesu Kristu uwatuuliilwe umuku wa limo.+
11 Na kabili, cila bushiku shimapepo aleminina pa cifulo cakwe pa kuti abombe umulimo wa mushilo*+ no kutuula amalambo yamo yene libili libili.+ Aya amalambo te kuti yafumyepo imembu umupwilapo.+
12 Lelo uyu muntu atuuliile umuku wa limo ilambo limo ilya pa membu kabili aikala ku kuboko kwa ku kulyo ukwa kwa Lesa,+
13 ukufuma ilya nshita alolela fye ukuti Lesa akalenge abalwani bakwe bakabe nga kapuna ka kunyantapo amakasa yakwe.+
14 Pantu alibomfya umutuulo umo uwe lambo pa kulenga abalesangululwa baba abapwililika+ umuyayaya.
15 Kabili umupashi wa mushilo ulalenga twashininkisha ici, pantu pa numa ya kulanda ati:
16 “‘Ici e cipangano ico nkapangana nabo pa numa ya nshiku shilya,’ e fyo Yehova* alanda. ‘Nkabika amafunde yandi mu mitima yabo, kabili nkayalemba mu matontonkanyo yabo.’”+
17 Lyena ulanda auti: “Kabili nshakebukishe imembu shabo na kabili ne fyabipa ifyo bacita.”+
18 Lesa nga abelela abantu uluse, umutuulo wa pa membu taukabilwa.
19 E ico mwe ba bwananyina, apo tuli abashipa pa kupita mu nshila ya kwingilila mu ncende ya mushilo+ pa mulandu wa mulopa wa kwa Yesu,
20 iyo atwiswilile pa kuti ibe inshila iipya kabili iya mweo ukupitila mu nsalu ya kucingilako,+ e kutila mu mubili wakwe,
21 kabili apo twalikwata shimapepo mukalamba uwangalila ing’anda ya kwa Lesa,+
22 natupalame kuli Lesa ne mitima iya bufumacumi ne citetekelo icakosa nga nshi pantu imitima yesu na kampingu iyali iyabipa fyalisangululwa,*+ ne mibili yesu yalisambwa mu menshi aya ayasuma.+
23 Natutwalilile ukweba abantu bonse pe subilo lyesu ukwabula ukunenuka,+ pantu uwatulaile wa cishinka.
24 Kabili natuletontonkanya sana* pa banensu pa kuti tulecincishanya* ukuba no kutemwa no kubomba imilimo iisuma,+
25 twilapuswa mu kulongana+ filya bamo bacita, lelo tulekoseleshanya,+ maka maka apo mulemona ukuti bulya bushiku bulepalama.+
26 Pantu nga tulacita imembu ku mufulo fye pa numa ya kwishiba bwino bwino icine,+ takwaba ilambo limbi ilyashala ilya kufutilako imembu shesu,+
27 lelo tulolela fye mwenso mwenso ubupingushi, no bukali ubupya ngo mulilo ubukesaonaula abashikonka ifyo Lesa afwaya.+
28 Umuntu nga takonkele Amafunde ya kwa Mose balamwipaya ukwabula ukumubelela uluse nga pali aba kumushinina babili nelyo batatu.+
29 Bushe mulemona ukuti akakandwa shani, umuntu uunyantaula Umwana wa kwa Lesa, uumona umulopa wa cipangano+ uwalenga ukuti abe uwa mushilo ukuti tawacindama sana, kabili uukalifya no kusaalula umupashi wa kwa Lesa umo alangila icikuuku cakwe icaibela?+
30 Pantu twalimwishiba uwalandile ati: “Nine mfwile ukulandula; nine nkabakanda pa fibi ifyo bacita.” Kabili uwatile: “Yehova* akapingula abantu bakwe.”+
31 Ukukandwa na Lesa wa mweo kulatiinya.
32 Lelo mutwalilile ukwibukisha inshiku sha kale, ifyo mwashipikishe ilyo mwaleshomboka na macushi ayakalamba pa numa ya kupokelela ulubuuto.+
33 Inshita shimo mwaleseebana no kucula pa menso ya bantu,* kabili inshita shimbi mwaleculila pamo* na balekwata amacushi ya musango uyu.
34 Pantu mwalelangulukilako abaleba mu cifungo kabili mwalesekelela nga bamupoka ifipe,+ pantu mwalishibe ukuti mwalikwata icuma icawamapo kabili icibelelela.+
35 E ico mwileka ukulanda ukwabula umwenso, pantu mukapokelela icilambu icikalamba.+
36 Pantu mulingile ukulashipikisha,+ pa kuti ilyo mwacita ifyo Lesa afwaya, mukapokelele ifyo bamulaya.
37 Pantu kushele fye “akashita akanono,”+ ninshi “uuleisa afika kabili takokole.”+
38 “Lelo umuntu wandi uwalungama akaba uwa mweo pa mulandu wa kuti alikwata icitetekelo,”+ kabili, “nga abwelela inuma, takanenge ukusekelela.”*+
39 Nomba ifwe tatuli bantu ababwelela inuma ica kuti twaonaika no konaika,+ lelo tuli bantu abakwata icitetekelo icikatupususha.*
Amafutunoti
^ Nelyo kuti yapilibula no kuti, “abantu te kuti balenge.”
^ Mu ciGriki, “icimfungwa ce buuku.”
^ Nelyo “abombele abantu.”
^ Moneni Ifyebo Fyalundwako pa A5.
^ Mu ciGriki, “bali-isansa,” e kutila, bali-isansa umulopa wa kwa Yesu.
^ Nelyo “natulebika amano.”
^ Nelyo “tulekoseleshanya.”
^ Moneni Ifyebo Fyalundwako pa A5.
^ Mu ciGriki, “mwali kwati muli umwakutambila ifyangalo.”
^ Nelyo “mwaleba pamo.”
^ Nelyo “takalenge umweo wandi ukusekelela.”
^ Nelyo “icikapususha imyeo yesu.”
