Amalango 32:1-52
32 “Kutikeni mwe myulu, kabili nalalanda,Kabili lekeni icalo cumfwe ifyo ndelanda.
2 Amafunde yandi yakapongoloka nge mfula;Ifyebo fyandi fikakonkoloka ngo mume,Nge mfula iilemiima pa caniKabili nge mfula iilefuminisha umulemfwe.
3 Pantu nkalenga ishina lya kwa Yehova likeshibikwe.+
Lengeni Lesa wesu+ eshibikwe ukuti mukalamba!
4 Cilibwe, imilimo yakwe+ yalipwililika,Pantu wa mulinganya+ muli fyonse ifyo acita.
Lesa uwa cishinka,+ uushaba na lufyengo;+Alilungama kabili alitambalala.+
5 Ebalufyenye.+
Te bana bakwe, cilubo cabo.+
Ni nkulo+ iyabipa kabili iya bucenjeshi!
6 Bushe Yehova e o mwingalacita ifi,+Mwe batumpa kabili abashaba na mano?+
Bushe te Shinwe uwalengele ukuti mubeko,+Uwamubumbile kabili uwalengele ukuti mube uluko?
7 Ibukisheni inshiku sha kale;Tontonkanyeni pa fyacitike mu nkulo sha ku numa.
Ipusheni bashinwe, kabili kuti bamweba;+Ipusheni abakalamba, balamweba.
8 Ilyo Uwapulamo ayakenye inko ifyalo,+Ilyo apaatukenye+ abana ba kwa Adamu,*Apangiile inko+ imipakaUkulingana ne mpendwa ya bana ba kwa Israele.+
9 Pantu abantu ba kwa Yehova e bupyani bwakwe;+Yakobo e bupyani bwakwe.+
10 Amusangile mu matololo+Kabili umushaba nangu cimo, mu ciswebebe mu malila nkalamo.+
Alimucingilile, alimusakamene,+Kabili amucingilile nge mboni ya linso lyakwe.+
11 Nga filya fine kapumpe asambilisha abana bakwe ukupupuka,Filya fine alelemba pa bana bakwe,Filya ansa amapindo yakwe no kubabuula,E lyo abasendela pa mapindo yakwe,+
12 E fyo Yehova alemutungulula;*+Takwali lesa umbi uo ali nankwe.+
13 Amwenseshe pa ncende ishasansuka+ isha pe sonde,Pa kuti alye ifisabo fya mu mabala.+
Amuliishishe ubuci bwa mu cilibwe,Na mafuta ya mu cilibwe icakosa nga nshi,
14 Umukaka watikama* uwa ng’ombe no mukaka wa mpaanga,Pamo na mafuta ya mpaanga ayawamisha,Ne mpaanga ishilume isha mu Bashani, ne mbushi ishilume,Pamo ne ngano ishawamisha;*+Kabili walenwa amenshi yakashika* aya myangashi.
15 Ilyo Yeshuruni* ainine, apondokeele shikulu wakwe.
Nawina, naukula, nawikutisha.+
E ico alilabile Lesa, uwamubumbile,+Kabili alisuulile Icilibwe ce pusukilo lyakwe.
16 Balengele akalipa pa mulandu na balesa bambi;+Balemukalifya pa mulandu ne fya bunani.+
17 Baletuulila ifibanda amalambo, te Lesa iyo,+Baletuulila balesa abo bashatalile abeshiba,Abapya abaishile ili line,Balesa abo ifikolwe fyobe fishatalile afishiba.
18 Walabile Icilibwe+ icakufyele,Kabili tawaibukishe Lesa uwakufyele.+
19 Ilyo Yehova amwene ifi, alibakeene+Pantu abana bakwe abaume na bana bakwe abanakashi balimukalifye.
20 E ico atile, ‘Nalafisa icinso candi;+Nkamona ifyo bakaba.
Pantu ni nkulo+ ya bucenjeshi,Abana abashaba na cishinka.+
21 Nabankalifya* pa mulandu wa kupepa balesa ba bufi;+Nabankalifya pa mulandu wa tulubi twabo utwa fye.+
E ico nkalenga abantu abashili uluko+ bakalenge bakabe no mufimbila;Nkalenga uluko lwa bantu abawelewele+ lukabakalifye.
22 Pantu ubukali bwandi bwa-asha umulilo+Uukoca ukufika fye na panshi ya Nshiishi,*+Kabili ukoca isonde ne fisabo fya likoKabili ukoca amashinte ya mpili.
23 Nkabafushisha amafya;Nkapwishisha imifwi yandi pali bena.
24 Bakatembuka ku nsala+Bakalwala ubulwele bwa kukaba umubili kabili bakonaulwa umupwilapo.+
Nkabatumina ifiswango ifikalabasuma+E lyo ne fikulika mu lukungu ifya busungu.
25 Panse ulupanga lukalenga bakafwilwe;+Mu kati mukaba ifikalatiinya,+Umulumendo na nacisungu,Uonka kumo no wa mfwi.+
26 Nga natile: “Nkabapasa;Nkalenga abantu bakabalabe,”
27 Nga nshaletiina ifyo abalwani bandi bengalanda,+Pantu abalwani kuti bafimwena mumbi.+
Kuti batila: “Tubacimfiishe+ ku maka yesu;Te Yehova acitile ifi fyonse.”
28 Pantu luko lwa bantu abashakwata amano,*Kabili tabeluka.+
29 Nga balikwata amano+ kuti batontonkanyapo sana pali ifi.+
Kuti batontonkanya na pa fikabacitikila.+
30 Bushe umuntu umo kuti afulumuna shani abantu 1,000,Kabili abantu babili kuti bafulumuna+ shani abantu 10,000?
Kano fye nga ca kuti Icilibwe cabo cabalekelesha+Kabili nga ca kuti Yehova aleka abalwani babo babacimfya.
31 Pantu icilibwe cabo tacaba nge Cilibwe+ cesu,Nangu fye balwani besu balishiba ukuti e fyo caba.+
32 Pantu umwangashi wabo wa ku myangashi ya ku SodomuKabili wa mu mabala ya ku Gomora.+
Ifisabo fyabo ifya myangashi fisabo fya sumu,Ifisansangu fya fiko fyalilula.+
33 Umwangashi wabo busungu bwa nsoka,Busungu bwa nsoka* ubwatapata.
34 Bushe ifi te ine nafisunga,Nshafisungila mu butala bwandi?+
35 Nine mfwile ukulandula no kukanda,+Ilyo inshita ikafika iya kuti amakasa yabo yakashelemuke,+Pantu ubushiku bwa kubonaula nabupalama,Kabili ifili no kubacitikila fili no kubaponena bwangu bwangu.’
36 Pantu Yehova akapingula abantu bakwe,+Kabili akomfwila ababomfi bakwe+ uluse,*Nga amona ukuti amaka yabo nayapwa,Kabili nga amona ukuti abashelepo fye bantu bashikwete bakubafwa kabili abashikwete amaka.
37 Lyena akatila, ‘Balesa babo+ bali kwi,Icilibwe umo baubile,
38 Abalelya amafuta ya malambo yabo,*Abalenwa umwangashi wa mituulo+ yabo?
Nabeme bamwafwe.
Nababe icubo cenu.
39 Nomba moneni ukuti ine, nine Lesa,+Kabili takwaba balesa bambi ukucila pali ine.+
Ndepaya, kabili ndalenga umuntu aba no mweo.+
Ndacena,+ kabili nkaposha,+Kabili takuli nangu umo uwingapokolola umuntu mu minwe yandi.+
40 Apo naimya ukuboko kwandi mu muulu,Kabili nalapa nati: “Apo nkatwalilila ukubako umuyayaya,”+
41 Nga nanoona ulupanga lwandi ulwabeekaKabili nga naiteyanya ukupingula,+Nkaleta icilandushi pa balwani bandi+Kabili nkakanda abampata.
42 Nkalenga imifwi yandi ikakolwe umulopa,Kabili ulupanga lwandi lukalya iminofu,Pamo no mulopa wa bantu abakepaiwa no wa bankole,Kumo ne mitwe ya ntungulushi sha balwani.’
43 Sangalaleni mwe nko, pamo na bantu bakwe,+Pantu akalandula pa mulopa wa babomfi bakwe,+Kabili akaleta icilandushi pa balwani bakwe+Kabili akasangulula icalo ca bantu bakwe.”
44 E fyo Mose aishile no kweba abantu+ amashiwi yonse aya ulu lwimbo, ninshi ali na Hoshea*+ umwana wa kwa Nuni.
45 Ilyo Mose aebele abena Israele bonse amashiwi yonse aya,
46 abebele no kuti: “Amashiwi yonse ayo ndemweba lelo+ pa ku musoka, muyasunge mu mitima yenu, pa kuti mule-eba abana benu ukuti balebika amano ku kukonka aya Amafunde+ yonse.
47 Pantu aya amashiwi ayo ndemweba nayacindama sana, pantu kuti yalenga mwaba no mweo,+ kabili kuti yalenga mwaikala inshiku ishingi mu calo ico muleya mu kwikalamo nga mwa-abuka Yordani.”
48 Yehova aebele Mose pali ubu bwine ubushiku ati:
49 “Nina ulu ulupili lwa Abarimu,+ Ulupili lwa Nebo,+ ulwa mu calo ca Moabu, ulwalungatana na Yeriko, kabili umone icalo ca Kanaani, ico ndepeela abena Israele pa kuti cibe icalo cabo.+
50 Lyena walafwila pa lupili ulo walanina, nge fyafwa abantu bobe, nga filya fine munonko Aarone afwile pa Lupili lwa Hore+ nge fyafwa abantu bakwe,
51 pantu bonse babili tamwali aba cishinka kuli ine pa menso ya bena Israele pa menshi ya Meriba+ ku Kadeshe mu matololo ya Sini, pa mulandu wa kuti tamwancindike pa bena Israele.+
52 Ukamwena icalo akatalamukila, lelo tawakengile muli ici icalo ico ndepeela abena Israele.”+
Amafutunoti
^ Nelyo kuti lyalola na mu kuti, “abantunse.”
^ E kutila, Yakobo.
^ E kutila, Bata.
^ Mu ciHebere, “amafuta ya ku mfyo aya ngano.”
^ Mu ciHebere, “umulopa wa.”
^ Ilyalola mu kuti “Uwalungama,” e lumbo bapeele abena Israele.
^ Nelyo “Nabalenga naba no bufuba.”
^ Nelyo “Sheol,” e kutila, inshiishi ya bantu bonse. Moneni Amashiwi ya mu Baibo ne fyo Yapilibula.
^ Nelyo kuti yaplibula no kuti, “abashifwaya ukubapanda amano.”
^ Ishi insoka shimoneka nga kafi.
^ Nelyo “akalangulukilako ababomfi bakwe.”
^ Nelyo “abalelya amalambo yabo ayawamisha.”
^ E lyali ishina lya kwa Yoshua. Hoshea e fyo balemba ishina lya kuti Hoshaya mu kwipifya, lyalola mu kuti “Jah e upuswishe; Jah napususha.”
