Amalumbo 10:1-18
ל [Lamed]
10 Mwe Yehova, mulandu nshi mwimininina akatalamukila?
Cinshi ico mufisamina mu nshita ya mafya?+
2 Pa mulandu ne cilumba cakwe umubifi alakonka cipyu cipyu uushakwata wa kumwafwa,+Lelo ekatilwa mu mapange yakwe aya bubifi.+
3 Pantu umubifi aitakishisha pa mapange yakwe aya bukaitemwe*+Kabili apaala bakaitemwe;*נ [Nun]Alasaalula Yehova.
4 Pa mulandu ne cilumba, umubifi tabika amano kuli Lesa;Atontonkanya fye ukuti: “Takwaba Lesa.”+
5 Ifyo acita filenda bwino,+Lelo taishiba bwino ubupingushi bwenu;+Alapumya abalwani bakwe bonse.
6 Alanda mu mutima wakwe ati: “Nshakasunkane;*Na ku nkulo ishikakonkapoUbucushi tabwakatale abumponenapo.”+
פ [Pe]
7 Mu kanwa kakwe mwaisula ifitiipu, ubufi ne fintiinya;+Alacusha abantu mu fyo alanda kabili alabakalifya.+
8 Afisama mupepi ne mishi;Mu cifulo umo afisama e mo epaila uwa kaele.+
ע [Ayin]
Amenso yakwe yafwayafwaya uwa kuti epaye.+
9 Alalolela umo afisama nga filya inkalamo ilolela umo ikala.*+
Alalolela ukwikata uushakwata wa kumwafwa.
Alekata uushakwata wa kumwafwa mwi sumbu lyakwe.+
10 Ashonaula uo ekete kabili amuwisha;Uushikwete wa kumwafwa awila mu minwe yakwe.*
11 Mu mutima wakwe alanda ati: “Lesa alilabako.+
Alifumyako icinso cakwe.
Teshiba.”+
ק [Qoph]
12 Imeni mwe Yehova.+ Mwe Lesa imyeni ukuboko kwenu.+
Mwilaba abashakwata bakubafwa.+
13 Cinshi umubifi asaalwila Lesa?
Mu mutima wakwe alanda ati: “Tamwakampingule.”
ר [Resh]
14 Lelo mulamona abalenga kwaba amafya na macushi.
Mulamona kabili mulacitapo cimo.+
Uushakwata wa kumwafwa abutukila kuli imwe;+Mulafwa umwana uushakwata wishi.*+
ש [Shin]
15 Funeni ukuboko kwa mubifi no kwa ucita ifyabipa.+Pa kuti nga mwafwaya ububifi bwakwe,Mwilabusanga.
16 Yehova ni Mfumu umuyayaya.+
Inko pe sonde nashiloba.+
ת [Taw]
17 Lelo mukomfwa ukupaapaata kwa bafuuka mwe Yehova.+
Mukalenga imitima yabo ikakose,+ kabili mukababikako amano.+
18 Mukaba no mulinganya ku ushakwata wishi na ku bo bacusha,+Ica kuti umuntu umwina kufwa uwa pe sonde takalebatiinya.+
Amafutunoti
^ Nelyo “ififwaya umweo wakwe.”
^ Nelyo kuti yapilibula no kuti, “kaitemwe alaipaala.”
^ Nelyo “Nshakatalantante.”
^ Nelyo “mu mutengo.”
^ Nelyo “mu maala yakwe ayakosa.”
^ Nelyo “umwana wa nshiwa.”
