Amalumbo 102:1-28
Ipepo lya muntu uwacula ilyo asakamikwa sana* kabili apongolwela Yehova ifimusakamike.+
102 Mwe Yehova umfweni ipepo lyandi;+Umfweni ifyo ndelilila kuli imwe ukuti mungafwe.+
2 Mwifisa icinso cenu ilyo ndecula.+
Umfweni ifyo ndelanda;*Muleangufyanya ukunjasuka nga nalilila kuli imwe.+
3 Pantu inshiku shandi shilepwa nge cushi,Na mafupa yandi yalepya nge nkuni pa mulilo.+
4 Umutima wandi uli nge cani icibonsele,+Pantu nshifwaya ukulya.
5 Pa mulandu wa kuti ndacula sana, ndateta,+Kabili amafupa yandi yalambatila ku munofu wandi.+
6 Ndi fye nga mukanga* wa mu matololo;Ndi nga kapululu akali pa fitantaala.
7 Nshilaala;*Naba nge cuni iciikala ceka pa mutenge.+
8 Abalwani bandi balanseebanya akasuba konse.+
Abampumya balabomfya ishina lyandi pa kutiipa.
9 Pantu indya imito nge fya kulya,+Kabili mu fya kunwa fyandi mulasaakana ifilamba,+
10 Pa mulandu wa bukali bwenu ne cipyu cenu,Pantu ico mwanjimiishe ni pa kuti mumpoose.
11 Inshiku shandi shili nge cinshingwa icileya cilepwa* ilyo akasuba kalewa,+Kabili ndeuma nge cani.+
12 Lelo imwe mwe Yehova mwabako umuyayaya,+Kabili ululumbi lwenu* lukabako mu nkulo shonse.+
13 Nangu cibe shani mukema kabili mukomfwila Sione uluse,+Pantu ni nshita ya kumubelela uluse,+Inshita yalinga naifika.+
14 Pantu ababomfi benu balitemwa amabwe yakwe,+Batemenwa kumo no lukungu lwakwe.+
15 Inko shikatiina ishina lya kwa Yehova,Ne mfumu shonse isha pano isonde shikatiina ubukata bwenu.+
16 Pantu Yehova akakuula Sione cipya cipya;+Akamoneka mu bukata bwakwe.+
17 Akomfwa ipepo lya bantu abapiina nga nshi;+Takasuule ipepo lyabo.+
18 Abo balembela ifi ba mu nkulo ikesa,+Pa kuti abantu abakesabako* bakalumbanye Jah.
19 Pantu alalolesha panshi ninshi ali mu cifulo cakwe ica mushilo icaba mu muulu,+Yehova ku muulu alalolesha pe sonde,
20 Pa kuti omfwe ukuteta kwa mufungwa,+Na pa kuti alubule uo bapingwila ukufwa;+
21 Pa kuti babilishe ishina lya kwa Yehova mu Sione+Na pa kuti bamulumbanye mu Yerusalemu,
22 Ilyo abantu bonse balongana pamo na mabufumuPa kuti babombele Yehova.+
23 Apwishishe amaka yandi pa kati ka nshila,Aipifya inshiku shandi.
24 Namwebele nati: “Mwe Lesa wandi,Mwinjipaya ilyo inshiku shandi shafika pa kati,Imwe mwe babako mu nkulo shonse.+
25 Ni kale sana mwapangile imifula ye sonde,Ne myulu nimwe mwabumba.+
26 Ifi fikaloba, lelo imwe mukatwalilila ukubako;Nga filya ica kufwala conaika, e fyo na fyo fikonaika.
Mukafifumyapo no kupyanikapo fimbi nga filya bapyanikapo ica kufwala nga casapuka, kabili tafyakatwalilile ukubako.
27 Lelo imwe mwaba fye cimo cine, kabili tamwakwata impela.+
28 Abana ba babomfi benu bakacingililwa,Bakatwalilila ukucingililwa pa ntanshi yenu.”+
Amafutunoti
^ Nelyo “ilyo afunshika.”
^ Nelyo “Kontameni no kukutika.”
^ Mukanga, cuni.
^ Nelyo kuti yapilibula no kuti, “Nalyonda icine cine.”
^ Nelyo “icilelepelako.”
^ Nelyo “ishina lyenu.” Mu ciHebere, “icibukisho cenu.”
^ Mu ciHebere, “abakabumbwa.”
