Amalumbo 103:1-22
Ulwimbo lwa kwa Davidi.
103 Lekeni numbanye* Yehova;Fyonse ifyaba muli ine nafilumbanye ishina lyakwe ilya mushilo.
2 Lekeni numbanye* Yehova;Nshifwile ukulaba fyonse ifyo acita.+
3 Alakwelela imembu shonse isho ucita,+Kabili alakundapa amalwele yonse;+
4 Alapususha umweo obe mu cilindi*+Kabili alakufwika ukutemwa ukushipwa no luse+ nge cilongwe.*
5 Alakupeela ifisuma+ inshita yonse ilyo uli uwa mweo,Pa kuti utwalilile ukuba umulumendo uwa maka nga filya kapumpe aba.+
6 Yehova alacita ifyalungama+ kabili alaba no mulinganyaKuli bonse abo bacusha.+
7 Alengele Mose+ aishiba inshila shakwe,Alengele na bena Israele+ baishiba imilimo yakwe.
8 Yehova wa luse kabili wa nkumbu,+Alakokola ukukalipa kabili aliba sana no kutemwa ukushipwa.*+
9 Tekalila fye ukufwailisha ifilubo,+Kabili tafulwa umuyayaya.+
10 Tatukanda ukulingana ne membu twacita;+Nelyo ukutukanda ifyo alingile ukutukanda ukulingana ne filubo twacita.+
11 Nga filya fine tushingapima intamfu iyaba ukufuma pe sonde ukuya ku muulu,E fyo tushingapima no kutemwa kwakwe ukushipwa uko alanga abamutiina.+
12 Filya ku kabanga na ku masamba kwatalukana sana,E fyo na o atalusha kuli ifwe imembu tucita.+
13 Nga filya fine wishi omfwila abana bakwe uluse,E fyo na Yehova omfwila uluse abamutiina.+
14 Pantu alishiba bwino ifyo twapangwa,+Alebukisha ukuti tuli lukungu.+
15 Umuntu umwina kufwa ekala fye inshiku ishinono nge cani;+Abalula kwati liluba lya mu mpanga.+
16 Nomba umwela nga wapuupa, lilonaika,Ciba fye kwati talyalinako.*
17 Lelo ukutemwa ukushipwaUko Yehova alanga abamutiina+ kwa muyayaya,Kabili alalanga abatuntuka muli bena+ ubulungami bwakwe,
18 Ku basunga icipangano cakwe+Na ku bakonka ifyo abeba ukucita.
19 Icipuna ca bufumu ica kwa Yehova caba mu muulu+ umuyayaya;Kabili ni mfumu iiteka ifintu fyonse.+
20 Lumbanyeni Yehova mwe bamalaika+ bakwe bonse, mwe ba maka,Mwe bomfwa ifyo alanda no kucita ifyo amweba.*+
21 Lumbanyeni Yehova mwe mabumba yakwe yonse,+Mwe babomfi bakwe abacita ifyo afwaya.+
22 Lumbanyeni Yehova mwe fibumbwa fyakwe fyonse,Mu fifulo fyonse umo ateka.
Lekeni numbanye Yehova no mweo wandi onse.
Amafutunoti
^ Nelyo “Lekeni umweo wandi ulumbanye.”
^ Nelyo “Lekeni umweo wandi ulumbanye.”
^ Nelyo “inshiishi.”
^ Nelyo “icisote ca bufumu.”
^ Nelyo “icikuuku.”
^ Mu ciHebere, “Kabili incende lyamenenepo tailibukisha.”
^ Mu ciHebere, “Mwe bomfwa ishiwi (iciunda) lya Cebo cakwe.”
