Amalumbo 108:1-13
Ulwimbo lwa kwa Davidi.
108 Umutima wandi wa cishinka mwe Lesa.
Nkamwimbila amalumbo kabili nkamushikila inyimbo ukufuma panshi ya mutima wandi.*+
2 Buuka we cilimba ca nsale; na iwe we nsango.+
Nkabuusha amacaca.
3 Mwe Yehova nkamulumbanishisha pa ntanshi ya bantu,Kabili nkamwimbila amalumbo* pa ntanshi ya nko.
4 Pantu ukutemwa kwenu ukushipwa kukalamba ica kuti kwafika na mu muulu,+Kabili icishinka cenu cafika na mu makumbi.
5 Langeni ubucindami bwenu mu myulu, mwe Lesa;Lekeni abantu bonse mwi sonde+ bamone ubukata bwenu.
6 Pa kuti abo mwatemwa bapusuke,Tupusushisheni ku kuboko kwenu ukwa ku kulyo, kabili njasukeni.+
7 Lesa wa mushilo nalanda* ati:
“Nkasekelela ilyo nkapeela abantu bandi Shekemu+ pa kuti ikabe ubupyani bwabo,Kabili nkakanya Umupokapoka* wa Sukote.+
8 Gileadi+ yandi, na Manase nayo yandi,Kabili Efraimu cisote* candi ica ku mutwe;+Yuda ni nkonto yandi iyaba nge nkoto ya kutungulwilako abantu.+
9 Moabu e cipe candi ica kusambilamo.+
Nkapoosa indyato shandi pali Edomu.+
Nkasekelela nga nshi pantu nkacimfya Pelishiti.”+
10 Nani akantwala ku musumba uwacingililwa?
Nani akantungulula ukufika ku Edomu?+
11 Bushe te imwe mwe Lesa, mwe batukaana,Lesa wesu uwaleka ukuya na bashilika besu ku nkondo?+
12 Twafweni ilyo tulecula,+Pantu ukucetekela ukuti umuntunse kuti atupususha kuicusha fye.+
13 Lesa akatupeela amaka,+Kabili akanyantaula abalwani besu.+
Amafutunoti
^ Mu ciHebere, “pamo no bukata bwandi.”
^ Nelyo “nkamushikila inyimbo.”
^ Nelyo kuti yapilibula no kuti, “Lesa nalanda mu cifulo cakwe ica mushilo.”
^ Nelyo “impanga iyabatama.”
^ Mu ciHebere, “e ca kuncingilila.”
