Amalumbo 11:1-7
Ku mukalamba wa bakemba. Ulwimbo lwa kwa Davidi.
11 Muli Yehova e mo nauba.+
Inga kuti mwanjeba shani amuti:*
“Fulumukileni ku lupili lwenu nge cuni!
2 Moneni ifyo ababifi bapekanya ubuta;Balabika umufwi ku ntambo ya ku buta,Pa kuti balase abalungama mu mfifi.
3 Umufula* nga baonaula,Cinshi uwalungama engacita?
4 Yehova ali mwi tempele lyakwe ilya mushilo.+
Icipuna ca bufumu ica kwa Yehova caba mu muulu.+
Amenso yakwe yalamona, yalaceeceeta abana ba bantu.+
5 Yehova alaceeceeta uwalungama no mubifi;+Alipata* bonse abatemwa ubunkalwe.+
6 Akateya ifiteyo* pa kuti akekate ababifi;Umulilo, amabwe ya mingu+ no mwela uwakaba e fyo akabakandilako.
7 Pantu Yehova alilungama;+ alitemwa imilimo yalungama.+
Ababa ne cishinka bakamona icinso cakwe.*+
Amafutunoti
^ Nelyo “kuti mwaeba shani umweo wandi amuti.”
^ Nelyo “Umufula wa mulinganya.”
^ Nelyo “Umweo wakwe walipata; Umwine alipata.”
^ Nelyo kuti yapilibula no kuti, “amalasha ayaleaka.”
^ Nelyo “akabapaala.”
