Amalumbo 111:1-10
111 Lumbanyeni Jah!*+
א [Aleph]
Nkalumbanya Yehova no mutima wandi onse+ב [Beth]
Pa balungama abalongene, na mu lukuta.
ג [Gimel]
2 Imilimo ya kwa Yehova ikalamba;+ד [Daleth]
Bonse abatemwa iyi imilimo balaisambililapo.+
ה [He]
3 Imilimo yakwe ilanga ubukata no bucindami,ו [Waw]
Kabili ubulungami bwakwe bukabako umuyayaya.+
ז [Zayin]
4 Alenga abantu baibukisha+ ifisuma nga nshi ifyo acita.
ח [Heth]
Yehova wa nkumbu kabili wa luse.+
ט [Teth]
5 Apeela abamutiina+ ifya kulya.
י [Yod]
Alebukisha icipangano cakwe umuyayaya.+
כ [Kaph]
6 Alilengele abantu bakwe bamona imilimo yakwe iikalamba
ל [Lamed]
Ilyo abapeele ubupyani* bwa nko.+
מ [Mem]
7 Imilimo ya minwe yakwe ya cishinka kabili ya mulinganya;+נ [Nun]
Ifipope+ fyakwe fyonse fyalicetekelwa.
ס [Samekh]
8 Umuntu kuti aficetekela pali ino nshita e lyo no muyayaya;ע [Ayin]
Ico fyabelako ni co Lesa wa cishinka kabili alilungama.+
פ [Pe]
9 Nalubula abantu bakwe.+
צ [Tsade]
Alandile ukuti icipangano cakwe cifwile ukubako umuyayaya.
ק [Qoph]
Ishina lyakwe lya mushilo kabili lya kutiinya.+
ר [Resh]
10 Ukuba na katiina kuli Yehova e ntendekelo ya kuba na mano.+
ש [Sin]
Bonse abakonka ifipope fyakwe baleluka.+
ת [Taw]
Bakalamulumbanya umuyayaya.
Amafutunoti
^ Nelyo “Aleluya!” “Jah” e fyo balemba ishina lya kuti Yehova mu kwipifya.
^ E kutila, ifyalo.
