Amalumbo 112:1-10
112 Lumbanyeni Jah!*+
א [Aleph]
Wa nsansa umuntu uutiina Yehova,+ב [Beth]
Uwatemwa nga nshi amafunde yakwe.+
ג [Gimel]
2 Abakatuntunka muli ena bakaba aba maka pano isonde,ד [Daleth]
Kabili aba mu nkulo ya balungama bakapaalwa.+
ה [He]
3 Mu ng’anda yakwe mwaba ifyuma,ו [Waw]
Kabili ubulungami bwakwe bukabako umuyayaya.
ז [Zayin]
4 Abalikila abalungama nga filya ulubuuto lusanika mu mfifi.+
ח [Heth]
Wa nkumbu, wa luse+ kabili alilungama.
ט [Teth]
5 Ifintu filendela bwino umuntu uuitemenwa ukwashimisha abashikwete.+
י [Yod]
Alaba no mulinganya muli fyonse ifyo acita.
כ [Kaph]
6 Takatale atelententa.+
ל [Lamed]
Uwalungama bakamwibukisha umuyayaya.+
מ [Mem]
7 Takatiine ilyashi ilibi.+
נ [Nun]
Umutima wakwe walishipa, acetekela Yehova.+
ס [Samekh]
8 Umutima wakwe tautalantanta;* tatiina;+ע [Ayin]
Mu kulekelesha akamona uko abalwani+ bakwe bakabacimfya.
פ [Pe]
9 Ni kapekape; alipeelako abapiina+ ifyo akwata.
צ [Tsade]
Ubulungami bwakwe bukabako umuyayaya.+
ק [Qoph]
Akakwatilako amaka kabili abantu bonse bakamucindika.*
ר [Resh]
10 Umubifi akamona kabili akafulwa.
ש [Shin]
Akasumanya ameno kabili akasunguluka.
ת [Taw]
Ifyo ababifi bafwaya fikaloba.+
Amafutunoti
^ Nelyo “Aleluya!” “Jah” e fyo balemba ishina lya kuti Yehova mu kwipifya.
^ Nelyo “walishipa.”
^ Mu ciHebere, “Ulusengo lwakwe bakalucindamika kabili lukaba no bukata.”
