Amalumbo 114:1-8
114 Ilyo abena Israele bafumine mu Egupti,+Ilyo aba mu ng’anda ya kwa Yakobo bafumine mu bantu abalelanda ululimi lumbi,
2 Icitungu ca Yuda caishileba icifulo ca mushilo ica kwa Lesa,Icalo ca Israele caishileba ubufumu bwakwe.+
3 Bemba alimwene ifyacitike kabili alibutwike;+Yordani abweleele ku numa.+
4 Impili shalicilawike nge mpaanga ishilume,+No tupili twacilawike ngo twana twa mpaanga.
5 Cinshi calengele ubutuke, we bemba?+
Cinshi calengele we Yordani ubwelele ku numa?+
6 Mwe mpili, cinshi calengele mucilauke nge mpaanga ishilume,Na imwe mwe tupili, cinshi calengele mucilauke ngo twana twa mpaanga?
7 We sonde, tutuma pa mulandu wa kwa Shikulu,Pa mulandu wa kwa Lesa wa kwa Yakobo,+
8 Uulenga icilibwe caba icishiba ca menshi umwaba amatete,Ne libwe ilyakosa lyaba utumfukumfuku twa menshi.+
