Amalumbo 115:1-18
115 Mwitucindika mwe Yehova, mwitucindika,*Lelo cindikeni ishina lyenu+Pantu mwaliba no kutemwa ukushipwa kabili muli ba cishinka.+
2 Cinshi inko shingalalandila ashiti:
“Ali kwi Lesa wabo?”+
3 Lesa wesu aba ku muulu;Alacita conse ico alefwaya.
4 Utulubi twabo twa silfere na golde,Iminwe ya bantu e yatupanga.+
5 Twalikwata akanwa, lelo te kuti tulande;+Twalikwata amenso, lelo te kuti tumone;
6 Twalikwata amatwi, lelo te kuti tumfwe.Twalikwata umona, lelo te kuti tununshe.
7 Twalikwata iminwe, lelo te kuti tumfwe ifili mu minwe ya tuko;Twalikwata amakasa, lelo te kuti twende;+Ku mikoshi+ ya tuko takufuma iciunda nangu cimo.
8 Abantu abatupanga bakaba fye nga twena,+Na bonse abatucetekela e fyo bakaba.+
9 Mwe bena Israele, cetekeleni Yehova+—E umwafwa kabili e nkwela yenu.+
10 Mwe ba mu ng’anda ya kwa Aarone,+ cetekeleni Yehova—E umwafwa kabili e nkwela yenu.
11 Mwe batiina Yehova, cetekeleni Yehova+—E umwafwa kabili e nkwela yenu.+
12 Yehova alatwibukisha kabili akatupaala;Akapaala aba mu ng’anda ya kwa Israele;+Akapaala aba mu ng’anda ya kwa Aarone.
13 Akapaala abatiina Yehova,Abanono na bakalamba.*
14 Yehova akalenga mukafule,Imwe na bana benu.*+
15 Yehova+ namupaale,Uwapangile umuulu ne sonde.+
16 Imyulu ya kwa Yehova,+Lelo isonde apeela abana ba bantu.+
17 Abafwa tabalumbanya Jah,+E lyo na bonse abatentemukila mu kutalala kwa mfwa.*+
18 Lelo ifwe, Jah e o twakulalumbanyaUkufuma nomba ukuya umuyayaya.
Lumbanyeni Jah!*
Amafutunoti
^ Nelyo “Tatwalinga ukupokelela nangu cimo mwe Yehova, tatwalinga ukupokelela nangu cimo.”
^ Nelyo “Abantu yaweyawe na bashimucindikwa.”
^ Mu ciHebere, “abana benu abaume.”
^ Mu ciHebere, “ku cifulo ukwatalala tondolo.”
^ Nelyo “Aleluya!” “Jah” e fyo balemba ishina lya kuti Yehova mu kwipifya.
