Amalumbo 118:1-29
118 Tooteleni Yehova pantu musuma;+Ukutemwa kwakwe ukushipwa kwa muyayaya.
2 Israele nalande ati:
“Ukutemwa kwakwe ukushipwa kwa muyayaya.”
3 Aba mu ng’anda ya kwa Aarone nabalande abati:
“Ukutemwa kwakwe ukushipwa kwa muyayaya.”
4 Abatiina Yehova nabalande abati:
“Ukutemwa kwakwe ukushipwa kwa muyayaya.”
5 Ilyo nalecula naliliile kuli Jah;*Jah alinjaswike kabili antwele ku cifulo uko nali no kucingililwa.*+
6 Yehova ali na ine; nshakatiine.+
Cinshi umuntu engancita?+
7 Yehova ali na ine pantu alangafwa;*+Nkasekelela ilyo nkamona abampata bawa.+
8 Cisuma ukuuba muli YehovaUkucila ukucetekela abantu.+
9 Cisuma ukuuba muli YehovaUkucila ukucetekela bashimucindikwa.+
10 Inko shonse shalinshingulwike,Lelo mwi shina lya kwa Yehova,E mo nashitamfiishe.+
11 Shalinshingulwike, shali fye konse konse.Lelo mwi shina lya kwa Yehova,E mo nashitamfiishe.
12 Shalinshingulwike kwati ni nshimu,Lelo balishishimishe bwangu nga filya umulilo uoca imyunga ushima bwangu.
Mwi shina lya kwa Yehova,E mo nashitamfiishe.+
13 Balinsunkile na maka* pa kuti bangwishe,Lelo Yehova alingafwile.
14 Jah e cifulo candi ica kuubamo, kabili e maka yandi,Naba ipusukilo lyandi.+
15 Iciunda ca kusekelela ne pusukilo*Fili mu matenti ya balungami.
Ukuboko kwa ku kulyo ukwa kwa Yehova kulecita ifikalamba.+
16 Ukuboko kwa ku kulyo ukwa kwa Yehova nakucimfya;Ukuboko kwa ku kulyo ukwa kwa Yehova kulecita ifikalamba.+
17 Nshafwe, lelo nalatwalilila ukuba no mweo,Pa kuti mbilishe imilimo ya kwa Jah.+
18 Jah alinsalapwile sana,+Lelo tandekeleshe ica kuti nafwa.+
19 Njiswileniko impongolo sha bulungami;+Nalaingilamo kabili nalalumbanya Jah.
20 Iyi e mpongolo ya kwa Yehova.
E po abalungama bakengilila.+
21 Ndemulumbanya pantu mwalinjaswike+Kabili mwaishileba uwa kumpususha.
22 Ilibwe ilyo bakakuula bakeeneE lyaba pa muulu pa koona.*+
23 Ili libwe lyafuma kuli Yehova;+Tulimona ukuti cipesha mano.+
24 Ubu e bushiku ubo Yehova abika;Pali ubu bushiku twalasekelela no kusansamuka.
25 Twapaapaata mwe Yehova, tupususheni!
Mwe Yehova twapaapaata lengeni tucimfye!
26 Alipaalwa uuleishila mwi shina lya kwa Yehova;+Mu ng’anda ya kwa Yehova e mo twamupaalila.
27 Yehova ni Lesa;Alatupeela ulubuuto.+
Beni pa baleya ku mitebeto ninshi nabekata imisambo,+Ukufika ku nsengo sha ku ciipailo.+
28 Nimwe Lesa wandi, kabili nkamulumbanya;Mwe Lesa wandi, nkamucindamika.+
29 Tooteleni Yehova+ pantu musuma;Ukutemwa kwakwe ukushipwa kwa muyayaya.+
Amafutunoti
^ “Jah” e fyo balemba ishina lya kuti Yehova mu kwipifya.
^ Nelyo “ku cifulo icikalamba.”
^ Nelyo kuti yapilibula no kuti, “pamo na balengafwa.”
^ Nelyo kuti yapilibula no kuti, “Mwalinsunkile na maka.”
^ Nelyo “ukucimfya.”
^ Mu ciHebere, “umutwe we koona.”
