Amalumbo 130:1-8
Ulwimbo lwa Baleninika.
130 Nalilila kuli imwe mwe Yehova+ ilyo ndi apashika.
2 Mwe Yehova, umfweni ishiwi lyandi.
Amatwi yenu nayomfwe ifyo ndepaapaata ukuti mungafwe.
3 Imembu nga e sho mulolekesha* mwe Jah,*Nani mwe Yehova uushingaba no mulandu?+
4 Pantu imwe muleleela+ abantu icine cine,Pa kuti balemutiina.+
5 Nacetekela Yehova, nalimucetekela no mweo wandi onse,Ndolela ukuti akacite ifyo alaile.
6 Ndalolela* ukuti Yehova+ angafwe,Ukucila filya bamalonda balolela ulucelo,+Filya balolela ukuti buce.
7 Israele natwalilile ukulolela ukuti Yehova amwafwe,Pantu Yehova aba no kutemwa ukushipwa,+Kabili alikwatisha amaka ya kupususha.
8 Akalubula Israele ku membu shakwe shonse.
Amafutunoti
^ Nelyo “nga e sho mubikako amano.”
^ “Jah” e fyo balemba ishina lya kuti Yehova mu kwipifya.
^ Nelyo “Umweo wandi ulalolela.”
