Amalumbo 135:1-21
135 Lumbanyeni Jah!*
Lumbanyeni ishina lya kuti Yehova;Mulumbanyeni mwe babomfi ba kwa Yehova,+
2 Mwe beminine mu ng’anda ya kwa Yehova,Mu mansa sha ng’anda ya kwa Lesa wesu.+
3 Lumbanyeni Jah, pantu Yehova musuma.+
Imbeni inyimbo* sha kulumbanya ishina lyakwe, pantu lisuma.
4 Pantu Jah alisala Yakobo ukuba uwakwe,Alisala Israele pa kuti abe icipe cakwe icaibela.*+
5 Pantu nalishiba bwino bwino ukuti Yehova mukulu;Shikulwifwe alicila tulesa tonse.+
6 Yehova alacita fyonse ifyo alefwaya.+Mu muulu na pe sonde, muli babemba na mu menshi ayaba apashika.
7 Alenga amakumbi* yaima ukufuma ku mpela she sonde;Alenga kwaba inkuba ilyo imfula ileloka;*Kabili alenga umwela wafuma umo ausungila.+
8 Aipeye amabeli ya mu Egupti,Aya bantu na ya nama.+
9 Acitile ifishibilo ne fipesha amano mu Egupti,+Kuli Farao na ku babomfi bakwe bonse;+
10 Aipeye inko+ ishingiAipeye ne mfumu+ sha maka
11 —Sihone imfumu ya bena Amore,+Oge imfumu ya ku Bashani,+Kabili acimfishe amabufumu yonse aya mu Kanaani.
12 Apeele abantu bakwe Abena Israele icalo cabo,Pa kuti cibe ubupyani bwabo.+
13 Mwe Yehova, ishina lyenu lyabako muyayaya.
Mwe Yehova, ululumbi lwenu* lwabako mu nkulo+ shonse.
14 Pantu Yehova akacingilila* abantu bakwe,+Kabili akomfwila ababomfi bakwe+ uluse.*
15 Utulubi twa nko twa silfere na golde,Iminwe+ ya bantu e yatupanga.
16 Twalikwata akanwa, lelo te kuti tulande;+Twalikwata amenso, lelo te kuti tumone;
17 Twalikwata amatwi, lelo te kuti tumfwe.
Mu tunwa twa tuko tamwaba umupu.+
18 Abantu abatupanga bakaba fye nga twena,+Na bonse abatucetekela e fyo bakaba.+
19 Mwe ba mu ng’anda ya kwa Israele, lumbanyeni Yehova.
Mwe ba mu ng’anda ya kwa Aarone, lumbanyeni Yehova.
20 Mwe ba mu ng’anda ya kwa Lebi, lumbanyeni Yehova.+
Mwe batiina Yehova, lumbanyeni Yehova.
21 Yehova nabamulumbanye mu Sione,+Uwikala mu Yerusalemu.+
Lumbanyeni Jah!+
Amafutunoti
^ Nelyo “Aleluya!” “Jah” e fyo balemba ishina lya kuti Yehova mu kwipifya.
^ Nelyo “Shikeni inyimbo.”
^ Nelyo “icipe icacindamisha.”
^ Nelyo kuti yapilibula no kuti, “alenga kwaba ifipunda fya kufuminamo imfula.”
^ Nelyo “fubefube.”
^ Nelyo “ishina lyenu.” Mu ciHebere, “icibukisho cenu.”
^ Nelyo “akalubulwilako.”
^ Nelyo “akalangulukilako ababomfi bakwe.”
