Amalumbo 136:1-26
136 Tooteleni Yehova pantu musuma;+Ukutemwa kwakwe ukushipwa kwabako umuyayaya;+
2 Tooteleni Lesa uwacila tulesa tonse,+Pantu ukutemwa kwakwe ukushipwa kwabako umuyayaya.
3 Tooteleni Shikulu uwacila bashikulu bonse,Pantu ukutemwa kwakwe ukushipwa kwabako umuyayaya.
4 E ucita fye ifipesha amano,+Pantu ukutemwa kwakwe ukushipwa kwabako umuyayaya.+
5 Apangile imyulu+ ku mano yakwe,Pantu ukutemwa kwakwe ukushipwa kwabako umuyayaya.
6 Afungulwilile isonde pa muulu wa menshi,+Pantu ukutemwa kwakwe ukushipwa kwabako umuyayaya.
7 Apangile ifisanika ulubuuto+ ifikalamba,Pantu ukutemwa kwakwe ukushipwa kwabako umuyayaya.
8 Apangile akasuba pa kuti kalesanika mu nshita ya kasuba,+Pantu ukutemwa kwakwe ukushipwa kwabako umuyayaya.
9 Apangile umweshi ne ntanda pa kuti filesanika mu nshita ya bushiku,+Pantu ukutemwa kwakwe ukushipwa kwabako umuyayaya.
10 Aipeye amabeli ya bena Egupti,+Pantu ukutemwa kwakwe ukushipwa kwabako umuyayaya.
11 Afumishe abena Israele mu Egupti,+Pantu ukutemwa kwakwe ukushipwa kwabako umuyayaya.
12 Abomfeshe ukuboko+ kwakwe ukwa maka kabili ukwatambalikwa,Pantu ukutemwa kwakwe ukushipwa kwabako umuyayaya.
13 Ayakenye amenshi ya pali Bemba Wakashika pabili,*+Pantu ukutemwa kwakwe ukushipwa kwabako umuyayaya.
14 Alengele abena Israele bapita mu kati ka iko,+Pantu ukutemwa kwakwe ukushipwa kwabako umuyayaya.
15 Apenwinine Farao na bashilika bakwe muli Bemba Wakashika,+Pantu ukutemwa kwakwe ukushipwa kwabako umuyayaya.
16 Alitungulwile abantu bakwe ilyo balepita mu matololo,+Pantu ukutemwa kwakwe ukushipwa kwabako umuyayaya.
17 Acimfishe imfumu sha maka,+Pantu ukutemwa kwakwe ukushipwa kwabako umuyayaya.
18 Aipeye imfumu sha maka,Pantu ukutemwa kwakwe ukushipwa kwabako umuyayaya.
19 Sihone+ imfumu ya bena Amore,Pantu ukutemwa kwakwe ukushipwa kwabako umuyayaya.
20 Na Oge+ imfumu ya ku Bashani,Pantu ukutemwa kwakwe ukushipwa kwabako umuyayaya.
21 Apeele abantu bakwe icalo cabo pa kuti cibe ubupyani bwabo,+Pantu ukutemwa kwakwe ukushipwa kwabako umuyayaya.
22 Pa kuti cibe ubupyani bwa bena Israele ababomfi bakwe,Pantu ukutemwa kwakwe ukushipwa kwabako umuyayaya.
23 Alitwibukishe ilyo twafuupwike,+Pantu ukutemwa kwakwe ukushipwa kwabako umuyayaya.+
24 Aletupususha ku balwani besu,+Pantu ukutemwa kwakwe ukushipwa kwabako umuyayaya.
25 Alapeela ifya mweo fyonse* ifya kulya,+Pantu ukutemwa kwakwe ukushipwa kwabako umuyayaya.
26 Tooteleni Lesa wa mu myulu,Pantu ukutemwa kwakwe ukushipwa kwabako umuyayaya.
