Amalumbo 139:1-24
Ku mukalamba wa bakemba. Ulwimbo lwa kwa Davidi.
139 Mwe Yehova, mwalimona ifyaba muli ine kabili mwalinjishiba.+
2 Muleshiba nga naikala nelyo nga naima.+
Muleshiba ifyo ntontonkanya nangu muli ukutali.+
3 Mulamona* ilyo nde-enda na lintu nalaala;Muleshiba fyonse ifyo ncita.+
4 Ilyo ululimi lwandi talulalanda nangu cimo,Moneni! mwe Yehova ninshi namwishiba kale.+
5 Mwalinshinguluka pa kuti mulencingilila;Kabili ukuboko kwenu kwaba pali ine.
6 Ifyo mwaishiba pali ine fyalimpesha amano.
Fyalifulisha ica kutila te kuti mfyumfwikishe.*+
7 Ni kwi ningaya ukushaba umupashi wenu,Kabili ni kwi ningabutukila uko mushingamona?+
8 Nga nalile ku muulu kuti mwamona,Kabili nga nayanshike ubusanshi bwandi mu Nshiishi,* moneni! kuti mwansanga.+
9 Nga naninine pa mapindo ya macacaPa kuti ndeya bwangu bwangu ku mpela ya bemba ukwalepesha,
10 Na ko kwine ukuboko kwenu kukantungululaKabili ukuboko kwenu ukwa ku kulyo kukanjikatilila.+
11 Nga natila: “Nangu cibe shani imfifi ikamfimba!”
Lyena imfifi iinshingulwike ikasanguka ulubuuto.
12 Nangu fye ni mfifi tayakafiitishe kuli imwe,Lelo inshita ya bushiku ikaba fye nge nshita ya kasuba;+Imfifi yaba fye ngo lubuuto kuli imwe.+
13 Pantu nimwe mwapangile imfyo shandi;Mwancingilile* mwi fumo muli mayo.+
14 Ndemulumbanya pantu ifyo mwampanga+ bwino filampapusha.
Imilimo yenu isuma nga nshi,+Nalishiba bwino* imilimo yenu.
15 Mwalimwene amafupa yandiIlyo nalepangwa umwafisama,Ilyo nalepikulwa panshi ya calo.+
16 Mwalimwene ilyo nalepangwa;Mwalilembele ifilundwa fyandi fyonse mwi buuku lyenuMwalilembele inshiku ifilundwa fyapangilwe,Mwalifilembele ilyo fishilapangwa.
17 E ico amatontonkanyo+ yenu yalicindama nga nshi kuli ine!
Mwe Lesa, impendwa ya yako yonse yalikula nga nshi!+
18 Nga nati njapende, yalifula ukucila umucanga.+
Nga nashibuka ndaba na imwe.*+
19 Mwe Lesa, nga mwaipaya ababifi!+
Ninshi aba lukaakala* kuti bantaluka,
20 Balalanda ifyabipa pali imwe pa mulandu wa mapange yabo ayabipa;*Balwani benu ababomfya ishina lyenu bubi bubi.+
21 Bushe nshapata abamupata mwe Yehova,+Kabili bushe nshimona abamupondokela ukuti ba bunani?+
22 Nalibapata nga nshi;+Baliba abalwani bandi.
23 Fwayeni bwino bwino muli ine mwe Lesa, kabili ishibeni umutima wandi.+
Nceeceeteni pa kuti mwishibe ifinsakamika.+
24 Moneni nga ca kuti muli ine mwaliba ifyabipa,+Kabili ntungululeni+ mu nshila ya muyayaya.
Amafutunoti
^ Mu ciHebere, “Mulapima.”
^ Mu ciHebere “Fyalisansukisha ica kuti te kuti mfikepo.”
^ Nelyo “Sheol,” e kutila inshiishi ya bantu bonse. Moneni Amashiwi ya mu Baibo ne fyo Yapilibula.
^ Nelyo kuti yapilibula no kuti, “Mwalimpikwile.”
^ Nelyo “Umweo wandi walishiba bwino.”
^ Nelyo kuti yapilibula no kuti, “ntwalilila fye ukupenda.”
^ Nelyo “ababa no mulandu wa kusumya umulopa.”
^ Nelyo “ukulingana na matontonkanyo yabo.”
