Amalumbo 141:1-10
Ulwimbo lwa kwa Davidi.
141 Mwe Yehova nalilila kuli imwe.+
Angufyanyeni ukwisa mu kungafwa.+
Mulekutika nga nalilila kuli imwe.+
2 Lekeni ipepo lyandi libe ngo bubani+ ubo bapekenye bwino ubo baletuula kuli imwe,+Na maboko ayo njimishe kuli imwe, nayabe ngo mutuulo wa ngano uwa cungulo.+
3 Mwe Yehova bikeniko uwa kulonda akanwa kandi,Bikeniko uwa kulonda pa mwinshi wa milomo yandi.+
4 Mwileka umutima wandi ulefwaya ukucita ifyabipa,+Mwileka ulecita ifyabipa pamo na babifi;Mwileka ndelyako ifya kulya fyabo ifisuma.
5 Uwalungama nga anguma, ninshi aliba no kutemwa ukushipwa;+Nga anungika, cimo no kwitulwila amafuta pa mutwe wandi,+Ayo umutwe wandi ushingakaana.+
Nkatwalilila ukubapepelako na mu nshita bakaba na mafya.
6 Nangu bakapingula babo babapoosa panshi ukufuma pa cilibwe,Abantu bena bakomfwa ifyo nanda, pantu fisuma.
7 Nga filya iloba lisalangana umuntu nga alelima,E fyo na mafupa yesu yasalanganina pa milomo ya Nshiishi.*
8 Lelo kuli imwe mwe Yehova Shikulu Mulopwe,+ e ko amenso yandi yalolesha.
Muli imwe e mo nauba.
Mwileka mfwe.*
9 Ncingilileni ku maboko ya lukose ulo banteya,Ku fiteyo fya bacita ifyabipa.
10 Ababifi bakawila pamo mu masumbu yabo,+Lelo ine nkapitapo ukwabula ukwikatwa.
Amafutunoti
^ Nelyo “Sheol,” e kutila inshiishi ya bantu bonse. Moneni Amashiwi ya mu Baibo ne fyo Yapilibula.
^ Nelyo “Mwi-itulula umweo wandi.”
