Amalumbo 144:1-15
Ulwimbo lwa kwa Davidi.
144 Nalumbanishiwe Yehova Icilibwe+ candi,Uusambilisha amaboko yandi ifya kulwa na balwani,Ne minwe yandi ifya kulwa inkondo.+
2 E kutemwa kwandi ukushipwa kabili e uncingilila,E cubo candi* umo ncingililwa,Kabili e umpususha, e nkwela yandi kabili muli ena e mo nauba,+E uncimfishako abantu.+
3 Mwe Yehova, wanshi umuntu uwa kuti mulemusakamana,Wanshi umwana wa muntu umwina kufwa uwa kuti mulemubikako amano?+
4 Umuntu aba fye ngo mupu;+Inshiku shakwe shilapita bwangu nge cinshingwa.+
5 Mwe Yehova, sendekeni imyulu yenu pa kuti mwikile;+Ikateni impili pa kuti shifutumune icushi.+
6 Lengeni inkuba ibyate, pa kuti musalanganye abalwani;+Pooseni imifwi yenu pa kuti mubafulunganye.+
7 Tambalikeni amaboko yenu ukufuma ku muulu;Mpokololeni kabili mpususheni ku menshi ayalulunkene,Mu minwe ya bantu aba ku fyalo fimbi,+
8 Abo utunwa twabo tulanda ifya bufiKabili abemya ukuboko kwabo ukwa ku kulyo pa kuti balape ifya bufi.*
9 Mwe Lesa, nkamwimbila ulwimbo ulupya.+
Nkamwimbila inyimbo* sha kumulumbanya ninshi ndelisha icilimba ca nsale 10,
10 Mwe balenga imfumu+ shacimfya,*Mwe bapususha umubomfi wenu Davidi ku lupanga ulwipaya.+
11 Mpokololeni kabili mpususheni mu minwe ya ba ku fyalo fimbi,Abo utunwa twabo tulanda ifya bufiKabili abemya ukuboko kwabo ukwa ku kulyo pa kuti balape ifya bufi.
12 Lyena abana besu abaume bakaba nge fimenwa ifiteku ifikula bwangu,Abana besu abanakashi bakaba nge nceshi ishilenga amakoona ye sano yalamoneka bwino.
13 Mu matala yesu mukesula ifya kulya ifyalekanalekana,Imikuni mu mpanga yesu ikasandana ica kutila te kuti tuipende.
14 Ing’ombe shesu shikemita, kabili tashakacenekwe* nelyo ukupulumuna amafumo,Takwakabe ukuloosha mu mansa shesu pa mulandu wa kucula.
15 Ba nsansa abo ifintu fiwamina nge fi!
Ba nsansa abantu abo Yehova e Lesa wabo!+
Amafutunoti
^ Nelyo “ulupili lwa kubutukilako pa kuti ncingililwe.”
^ Mu ciHebere, “Kabili ukuboko kwabo ukwa ku kulyo, kuboko kwa ku kulyo ukwa bufi.”
^ Nelyo “Nkamushikila inyimbo.”
^ Nelyo “Mwe bapususha imfumu.”
^ Nelyo “tashakalepuke.”
