Amalumbo 148:1-14
148 Lumbanyeni Jah!*
Lumbanyeni Yehova mwe bekala mu myulu;*+Mulumbanyeni mwe bekala umwasansukisha.
2 Mulumbanyeni mwe bamalaika+ bakwe bonse.
Mulumbanyeni mwe bumba+ lyakwe lyonse ilya ku muulu.
3 Mulumbanyeni mwe kasuba no mweshi.
Mulumbanyeni mwe ntanda+ shonse ishibengeshima.
4 Mulumbanyeni mwe myulu iyasansukishaNa imwe mwe menshi ayaba pa muulu wa myulu.
5 Lekeni filumbanye ishina lya kuti Yehova,Pantu alilandile, na fyo fyalibumbilwe.+
6 Alilenga fyabako umuyayaya;+Alifumya ifunde ilishakapite.+
7 Lumbanyeni Yehova mwe fyaba pe sonde,Mwe fibumbwa ifikalamba ifyaba muli bemba, na imwe mwe menshi yonse ayaba apashika,
8 Mwe nkuba na mwe mfula ya mabwe, mwe mfula ya bungululu bwabuuta na mwe makumbi yafiita,Mwe cikuuku ca mwela, icicita ifyo alanda,+
9 Mwe mpili na mwe tupili tonse,+Mwe fimuti ifitwala ifisabo na mwe mikedari+ yonse,
10 Mwe nama+ sha mu mpanga na mwe fitekwa fyonse,Mwe fikulika na mwe fyuni,
11 Mwe mfumu sha pano isonde na mwe nko shonse,Mwe ntungulushi na mwe bakapingula bonse aba pano isonde,+
12 Mwe balumendo na mwe bakashana,*Mwe baume abakalamba capamo na mwe baice.*
13 Lekeni filumbanye ishina lya kuti Yehova,Pantu ishina lyakwe lyalicila sana amashina yonse,+
Ubukata bwakwe bwalicila isonde no muulu.+
14 Akalenga abantu bakwe bakakwatileko amaka,*Akacindamika bonse ababa ne cishinka kuli ena,Abena Israele, abantu abapalama kuli ena.
Lumbanyeni Jah!*
Amafutunoti
^ Nelyo “Aleluya!” “Jah” e fyo balemba ishina lya kuti Yehova mu kwipifya.
^ Mu ciHebere, “mwe myulu ya myulu.”
^ Mu ciHebere, “mwe banacisungu.”
^ Nelyo “Mwe bakalamba capamo na mwe baice.”
^ Mu ciHebere, “Akemya ulusengo lwa bantu bakwe.”
^ Nelyo “Aleluya!” “Jah” e fyo balemba ishina lya kuti Yehova mu kwipifya.
