Amalumbo 149:1-9
149 Lumbanyeni Jah!*
Imbileni Yehova ulwimbo ulupya;+Mulumbanishisheni mu lukuta lwa ba cishinka.+
2 Israele nasekelele pantu Lesa e Kabumba wakwe Umukalamba,+Abana ba kwa Sione nabasansamuke pantu e Mfumu yabo.
3 Nabalumbanye ishina lyakwe ninshi balecinda+Kabili nabamwimbile* inyimbo sha kumulumbanya ninshi balelisha akaoma ne nsango.+
4 Pantu Yehova asekelela mu bantu bakwe.+
Alacindamika abafuuka nga abapususha.+
5 Ababa ne cishinka nabasekelele pantu Lesa alibacindamika;Nabasekelele ninshi bali pa busanshi bwabo.+
6 Lekeni nyimbo sha kulumbanya Lesa shilefuma pa mikoshi yabo,Kabili ulupanga ulwatwila kubili lube mu minwe yabo,
7 Pa kuti balandule inkoKabili bakande abantu,
8 Pa kuti bakake imfumu amaceniNo kukaka bashimucindikwa babo amaceni,
9 Pa kuti babakande ukulingana ne fyalembelwe pali bena.+
Bonse ababa ne cishinka kuli ena e bakacita ifi.
Lumbanyeni Jah!*
Amafutunoti
^ Nelyo “Aleluya!” “Jah” e fyo balemba ishina lya kuti Yehova mu kwipifya.
^ Nelyo “nabamushikile.”
^ Nelyo “Aleluya!” “Jah” e fyo balemba ishina lya kuti Yehova mu kwipifya.
