Amalumbo 16:1-11
Miktamu* iyo Davidi alembele.
16 Ncingilileni mwe Lesa pantu nauba muli imwe.+
2 Ninjeba Yehova ukuti: “Nimwe Yehova; Intulo yandi iya busuma.
3 Kabili aba mushilo ba pe sonde,Bashimucindikwa, balalenga ndesekelela nga nshi.”+
4 Bonse abatemwa ukupepa tulesa, balaba na mafya ayengi.+
Nshakabatuulileko umutuulo wa mulopa,Kabili imilomo yandi tayakalumbule amashina yabo.+
5 Yehova alampeela fyonse ifyo nkabila; e cakaniko candi+ kabili alesusha kapu yandi.+
Mulacingilila ubupyani bwandi.
6 Nabampimina incende ishisuma.
Cine cine nintemwa ubupyani bwandi.+
7 Nkalumbanya Yehova, uumpandile amano.+
Na mu nshita ya bushiku amatontonkanyo yandi ayashika* yalanungika.+
8 Nabika Yehova pa ntanshi yandi lyonse.+
Apo aba ku kwa kulyo kwandi, nshakatelentenshiwe.*+
9 E ico umutima wandi ulasekelela, umweo wandi* ulasansamuka nga nshi.
Kabili njikala* umutelelwe.
10 Pantu tamwakanshe* mu Nshiishi.*+
Tamwakaleke uwaba ne cishinka kuli imwe akekalilile mu nindi.*+
11 Mulalenga naishiba inshila ya ku bumi.+
Ukuba mupepi na imwe kulalenga ndesekelela nga nshi;+Ukwiminina ku kuboko kwenu ukwa ku kulyo, kulalenga ndeba lyonse ne nsansa.
Amafutunoti
^ Nelyo “ifyo ng’umfwa.” Mu ciHebere, “imfyo shandi.”
^ Nelyo “nshakatale ntalantanta.”
^ Mu ciHebere, “ubukata bwandi.”
^ Nelyo “umubili wandi wikala.”
^ Nelyo “tamwakashe umweo wandi.”
^ Nelyo “Sheol,” e kutila inshiishi ya bantu bonse. Moneni Amashiwi ya mu Baibo ne fyo Yapilibula.
^ Nelyo kuti yapilibula no kuti, “akamone ukubola.”
