Amalumbo 17:1-15
Ipepo Davidi apepele.
17 Mwe Yehova, umfweni ukupaapaata kwandi ukwa kuti bemfyenga;Umfweni ifyo ndepaapaata ukuti mungafwe;Umfweni ipepo lyandi ilyo ndepepa mu bufumacumi.+
2 Mpingwileniko pa kuti bemfyenga;+Amenso yenu nayamone icalungama.
3 Mwaliceeceeta umutima wandi, mwalinceeceeta ubushiku;+Mwalindopolola;+Na lintu pakapita inshita mukasanga ukuti nshipanga ukucita ifyabipa,Kabili akanwa kandi takabembuka.
4 Na kabili nshikonka inshila sha fipondo+ nge fyo abantu bambi bacita,Pantu ndakonka ifyo imilomo yenu ilanda.
5 Lekeni intampulo shandi shitwalilile ukuba mu nshila shenuPa kuti amakasa yandi yekaipununa.+
6 Ndilila kuli imwe, pantu mukanjasuka+ mwe Lesa.
Teyamikeni ukutwi kwenu* kuli ine. Umfweni ifyo ndelanda.+
7 Citeni ifisuma pa kuti mulange ukutemwa kwenu ukushipwa,+Mwe bapususha abooba mu kuboko kwenu ukwa ku kulyoKu bamupondokela.
8 Ncingilileni nge mboni ya linso lyenu;+Mfiseni mu cintelelwe ca mapindo yenu.+
9 Ncingilileni ku babifi abansaansa,Ku balwani bandi* abanshinguluka.+
10 Balikunkuma;*Balanda cilumba cilumba;
11 Nomba nabanshinguluka pamo na bo ndi nabo;+Balefwaya inshila ya kutuwishishamo.*
12 Umubifi aba nge nkalamo iilefwaisha ukusantaula inama ilefwaya ukwikata,Aba nge nkalamo iyana iya masense iili umwafisama ilebendelela inama.
13 Imeni mwe Yehova; mumukumanye+ kabili mumucimfye;Bomfyeni ulupanga lwenu pa kumpokolola* ku mubifi;
14 Mpusushisheni ku kuboko kwenu, mwe Yehova,Mpususheni ku bantu ba muli cino calo,* ababika fye amano ku mikalile ino,+Abekuta ifisuma ifyo mubapeela+Kabili abashiila abana babo abengi ubupyani.
15 Lelo ine apo ndacita icalungama nkamona icinso cenu;Nga nabuuka ndatemwa pantu mulaba mupepi na ine.*+
Amafutunoti
^ Nelyo “kontameni kabili kutikeni.”
^ Nelyo “abalwani abalefwaya umweo wandi.”
^ Nelyo “bali-isalila mu mafuta yabo.”
^ Nelyo “inshila ya kutuponesha panshi.”
^ Nelyo, “pa kupokolola umweo wandi.”
^ Nelyo “ku bantu ba muli buno bwikashi.”
^ Nelyo “ndamumona.”
