Amalumbo 19:1-14
Ku mukalamba wa bakemba. Ulwimbo lwa kwa Davidi.
19 Imyulu ilabila ubukata bwa kwa Lesa;+No lwelele lulabilisha umulimo wa minwe yakwe.+
2 Cila bushiku mu nshita ya kasuba filapongolola ishiwi kwati menshi,Kabili cila bushiku mu nshita ya bushiku filasokolola amano yakwe.
3 Tafisosa kabili tafilanda;Ishiwi lya fiko talyumfwika.
4 Lelo iciunda ca fiko* cilaya mwi sonde lyonse,Kabili amashiwi+ ya fiko yalafika ku mpela she sonde.
Mu muulu e mo atanikila akasuba itenti,
5 Ilyo kaletula kalabengeshima nga filya shibwinga abengeshima ilyo alefuma mu muputule wakwe;Kaba ngo mwaume wa maka uusekelela ilyo alebutuka mu nshila.
6 Katula ku mpela imo iya muulu,E lyo kashinguluka kayafika ku mpela imbi iya muulu;+Kabili takwaba icifulo uko icikabilila ca kako cishifika.
7 Amafunde ya kwa Yehova yalipwililika,+ yalalenga umuntu aba na maka na kabili.*+
Ifyo Yehova atwibukishako fyalicetekelwa,+ filenga uushaishiba ifingi aba na mano.+
8 Ifya kukonka ifyo Yehova alanda fyalilungama, filenga umutima walasekelela;+Amafunde ya kwa Yehova yalisanguluka, yalenga amenso yaisuka.+
9 Ukutiina Yehova+ kwalisanguluka, kwa muyayaya.
Ubupingushi bwa kwa Yehova bwa cine, bonse bwalilungama.+
10 Fisuma ukucila golde,Ukucila golde iingi iisuma,*+Fyalilowa ukucila ubuci,+ uluto lwa buci ulutona ku fipeepe.
11 Muli ifi e mo musokela umubomfi wenu;+Kabili uufikonka alalambulwa nga nshi.+
12 Nani engeluka ukuti nalufyanya?+
Njeleleni imembu isho nacita mu kukanaishiba.
13 Kabili mwileka umubomfi wenu aleituntumba;+Mwileka ukuituntumba kumuteke ubusha.+
Lyena nkaba uwa kaele,+Nkaba uwa kaele ku membu ishikalamba.*
14 Lekeni amashiwi ya mu kanwa kandi ne fyo umutima wandi utontonkanyapoFilelenga mulesekelela mwe Yehova,+ mwe Cilibwe candi,+ kabili Kalubula wandi.+
Amafutunoti
^ Nelyo kuti yapilibula no kuti, “intambo ya fiko iya kupiminako.”
^ Nelyo “yalapuputula umweo.”
^ Nelyo “iyalopololwa.”
^ Nelyo “imembu ishingi.”
