Amalumbo 20:1-9
-
Lesa alapususha imfumu yakwe iyasubwa
-
Bamo bacetekela amaceleta na bakabalwe, “lelo ifwe twacetekela ishina lya kwa Yehova” (7)
-
Ku mukalamba wa bakemba. Ulwimbo lwa kwa Davidi.
20 Yehova akwasuke mu bushiku bwa kucula kobe.
Lesa wa kwa Yakobo akucingilile nga walilila kwi shina lyakwe.+
2 Nakwafwe ninshi ali ku cifulo cakwe ica mushilo+Kabili nakukoshe ninshi ali ku Sione.+
3 Naebukishe imituulo yonse iyo wamupeela;Nasekelele pa kupokelela umutuulo obe uwa koca.* (Selah)
4 Nakupeele ifyo umutima obe ufwaya+Kabili nalenge ukuti fyonse ifyo wapanga ukucita* fyende bwino.
5 Tukaula akapundu pa mulandu wa kuti mulatupususha;+Tukemisha ifishibilo fya kucimfya mwi shina lya kwa Lesa wesu.+
Yehova nakupeele fyonse ifyo umulomba.
6 Nomba naishiba ukuti Yehova alapususha umuntu wakwe uo asuba.+
Alamwasuka ninshi ali mu myulu yakwe iya mushiloAlamupususha* ukubomfya ukuboko kwakwe ukwa ku kulyo+ ukwa maka.
7 Bamo bacetekela amaceleta e lyo bambi bacetekela bakabalwe,+Lelo ifwe twacetekela ishina lya kwa Yehova Lesa wesu.+
8 Nabaipununa kabili nabawa;Lelo ifwe natwima, kabili tuli abashipa na kabili.+
9 Mwe Yehova, pususheni imfumu!+
Akatwafwa mu bushiku tukapunda mutuule.+
Amafutunoti
^ Mu ciHebere, “Namone umutuulo obe uwa koca ukuti wa mafuta.”
^ Nelyo “ifyo ufwaya.”
^ Nelyo “Alamucimfishako.”
