Amalumbo 24:1-10
-
Imfumu ya bukata yaingila pa mpongolo
-
‘Isonde lya kwa Yehova’ (1)
-
Ulwimbo lwa kwa Davidi.
24 Isonde na fyonse ifyabamo fya kwa Yehova,+Umushili na bonse abaikalapo fyakwe.
2 Pantu pali babemba e po alishimpa+Kabili pa mimana e po alishimpile.
3 Nani enganina ulupili lwa kwa Yehova,+Kabili nani engeminina mu cifulo cakwe ica mushilo?
4 Muntu uwa kaele kabili uwasanguluka umutima,+Uushalapa umulapo wa bufi mwi shina lyandi,*Nangu uushalapa umulapo pa kuti alebepa abantu.+
5 Yehova akamupaala nga nshi+Kabili Lesa uumupususha akamumona ukuti alilungama.*+
6 Iyi ni nkulo ya bamufwaya,Iya bafwaya icinso cenu, mwe Lesa wa kwa Yakobo. (Selah)
7 Inuneni imitwe yenu mwe mpongolo;+Isukeni* mwe minshi ya kale,Pa kuti Imfumu ya bukata ingile!+
8 Ni nani uyo wine Imfumu ya bukata?
Ni Yehova uwakosa kabili uwa maka,+Yehova uwakwatisha amaka ya kulwa inkondo.+
9 Inuneni imitwe yenu, mwe mpongolo;+Isukeni mwe minshi ya kale,Pa kuti Imfumu ya bukata ingile!
10 Ni nani uyo wine Imfumu ya bukata?
Yehova wa mabumba—e Mfumu ya bukata.+ (Selah)
Amafutunoti
^ Nelyo “mu bumi bwandi,” e kutila ubumi bwa kwa Yehova ubo umuntu alapilamo.
^ Nelyo “akamumona ukuti wa mulinganya.”
^ Nelyo “Imeni.”
