Amalumbo 25:1-22
Ulwimbo lwa kwa Davidi.
א [Aleph]
25 Naisa* kuli imwe mwe Yehova.
ב [Beth]
2 Mwe Lesa wandi nalimucetekela;+Mwileka nseebane.+
Mwileka abalwani bandi basekelele pa mulandu wa bucushi bwandi.+
ג [Gimel]
3 Nangu cibe shani abamucetekela tabakaseebane,+Lelo abafutuka abanabo apabula umulandu e bakaseebana.+
ד [Daleth]
4 Lengeni njishibe inshila shenu mwe Yehova;+Nsambilisheni inshila shenu.+
ה [He]
5 Lengeni nyende mu cine cenu,+Kabili nsambilisheni pantu nimwe Lesa wandi uumpususha.
ו [Waw]
Inshita yonse ndamucetekela.
ז [Zayin]
6 Mwe Yehova ibukisheni ifyo mwaba no luse no kutemwa ukushipwa,+Ifyo mulanga lyonse.*+
ח [Heth]
7 Mwi-ibukisha imembu isho nacitile ilyo nali umwaice ne fyabipa ifyo nacitile.
Njibukisheni ukulingana no kutemwa kwenu ukushipwa,+Pantu muli basuma mwe Yehova.+
ט [Teth]
8 Yehova musuma kabili alilungama.+
E co asambilishisha ababembu ifyo balingile ukulaikala.+
י [Yod]
9 Akatungulula abafuuka pa kuti bakalecita icalungama,*+Kabili akasambilisha abafuuka inshila yakwe.+
כ [Kaph]
10 Inshila sha kwa Yehova shonse shilanga ukuti aliba no kutemwa ukushipwa kabili wa cishinkaKu basunga icipangano cakwe,+ kabili abakonka ifyo atwibukishako.+
ל [Lamed]
11 Pa mulandu we shina lyenu mwe Yehova,+Mbeleleni uluse pa membu nacita nangu ca kuti shikalamba.
מ [Mem]
12 Nani uutiina Yehova?+
Akamusambilisha pa kuti akeshibe ifyo alingile ukucita.+
נ [Nun]
13 Akakwata* ifisuma,+Kabili abakatuntuka muli ena* bakekala mu calo.+
ס [Samekh]
14 Abatiina Yehova e baba sana ifibusa fyakwe,+Kabili alalenga baishiba icipangano cakwe.+
ע [Ayin]
15 Amenso yandi lyonse yalolesha kuli Yehova,+Pantu e ukafumya amakasa yandi mwi sumbu.+
פ [Pe]
16 Ndolesheni, kabili nangeni icikuuku,Pantu ndi neka kabili nshikwete uwa kungafwa.
צ [Tsade]
17 Amafya nkwete nayafula;+Ndubuleni ku bulanda nkwete.
ר [Resh]
18 Moneni ifyo ndecula na mafya nkwete,+Kabili mbeleleni uluse pa membu shonse isho nacita.+
19 Moneni ifyo abalwani bandi bafulaKabili moneni ifyo bampata.
ש [Shin]
20 Cingilileni umweo wandi.+
Kabili mpususheni, mwileka nseebane pantu nauba muli mwe.
ת [Taw]
21 Lekeni ncingililwe pa mulandu wa kuti ndi wa kaele, kabili ndacita icalungama+Pantu nalimucetekela.+
22 Mwe Lesa, pususheni* Israele ku mafya yakwe yonse.
Amafutunoti
^ Nelyo “Naimisha umweo wandi.”
^ Nelyo “Ifyo mulanga ukutula kale.”
^ Mu ciHebere, “Akabatungulula mu bupingushi bwakwe.”
^ Nelyo “Umweo wakwe ukakwata.”
^ Mu ciHebere, “ulubuto.”
^ Mu ciHebere, “lubuleni.”