Amalumbo 26:1-12
Ulwimbo lwa kwa Davidi.
26 Mpinguleni mwe Yehova, pantu ndi wa kaele mu myendele yandi yonse;+Nacetekela Yehova, nshitalantanta.+
2 Nceeceeteni mwe Yehova kabili njesheni;Sangululeni amatontonkanyo yandi ayashika* no mutima wandi.+
3 Pantu lyonse ukutemwa kwenu ukushipwa kuba pa ntanshi yandi,Kabili nyenda mu cine cenu.+
4 Nshiba* pamo na ba bufi,+Kabili ndataluka abafisa ifyo baba.*
5 Nalipata ibumba lya bacita ifyabipa,+Kabili ndakaana ukuba pamo* na babifi.+
6 Nkasamba iminwe yandi pa kulanga ukuti ndi wa kaele,Kabili nkashinguluka iciipailo cenu, mwe Yehova,
7 Pa kuti ishiwi lyandi ilya kutootela likomfwike+Kabili nkabilisha imilimo yenu yonse iisuma.
8 Mwe Yehova, nalitemwa ing’anda mwikalamo,+Icifulo umwaba ubukata bwenu.+
9 Mwimpyangila pamo* na babembu+Kabili mwinjipaila pamo na bankalwe,*
10 Abo iminwe yabo icita ifyabipa,Kabili abo ukuboko kwabo ukwa ku kulyo kwaisulamo amafisakanwa.
11 Lelo ine nkatwalilila ukuba uwa kaele mu myendele yandi.
Mpususheni* kabili nangeni icikuuku.
12 Ulukasa lwandi lwiminine pa mushili uwakosa;+Mu lukuta ulukalamba* e mo nkalumbanishisha Yehova.+
Amafutunoti
^ Nelyo “ifyo ng’umfwa,” Mu ciHebere, “imfyo shandi.”
^ Mu ciHebere, “Nshikala.”
^ Nelyo “nshiba pamo na babumbimunda.”
^ Mu ciHebere, “ndakaana ukwikala.”
^ Nelyo “mwipyangila umweo wandi pamo.”
^ Nelyo “mwinjipaila pamo na baume abasumya umulopa.”
^ Mu ciHebere, “ndubuleni.”
^ Mu ciHebere, “mu mabumba.”
