Amalumbo 28:1-9
-
Lesa aumfwa ipepo ilyo uwaimbile amalumbo apepele
-
‘Yehova e umpeela amaka kabili e nkwela yandi’ (7)
-
Ulwimbo lwa kwa Davidi.
28 Kuli imwe e ko ndilila mwe Yehova, mwe Cilibwe candi;+Umfweni ifyo ndelanda.
Pantu nga tamwanjasuke,Nalaba nga baletentemukila mu cilindi.*+
2 Umfweni ukupaapaata kwandi ilyo ndelilila kuli imwe ukuti mungafweIlyo naimya amaboko yandi nayalosha ku muputule wa mu kati sana uwaba mu cifulo cenu ica mushilo.+
3 Mwinsendela pamo na babifi,+Abeba abanabo amashiwi ya mutende, e lyo ninshi mu mitima yabo mwaba ububifi.+
4 Bakandileni pa fyo bacita,+Ukulingana ne fyabipa ifyo bacita.
Bakandeni pa milimo ya minwe yabo,Ukulingana ne fyo bacita.+
5 Pantu tababika amano ku fyo Yehova acita,+Na ku milimo ya minwe yakwe.+
Akababongolola kabili takabakuule.
6 Yehova nacindikwe,Pantu naumfwa ukupaapaata kwandi ukwa kuti angafwe.
7 Yehova e umpeela amaka+ kabili e nkwela yandi;+Umutima wandi walimucetekela.+
Alingafwa kabili umutima wandi ulasekelela,E ico nkamwimbila ulwimbo pa kumulumbanya.
8 Yehova e upeela abantu bakwe amaka;E ca kucingilila, umo umuntu wakwe uo asuba apusukila.+
9 Pususheni abantu benu, kabili paaleni ubupyani bwenu.+
Bacemeni no kubasendela pa maboko yenu umuyayaya.+
Amafutunoti
^ Nelyo “Inshiishi.”