Amalumbo 29:1-11
Ulwimbo lwa kwa Davidi.
29 Peeleni Yehova ifyo alinga ukumupeela, mwe bana ba baume aba maka,Peeleni Yehova ifyo alinga ukumupeela, pa mulandu wa bukata bwakwe na maka.+
2 Peeleni Yehova ubukata ubwalinga ishina lyakwe.
Kontamineni* Yehova ninshi namufwala ifya kufwala fya mushilo.*
3 Ishiwi lya kwa Yehova lyaumfwika pa muulu wa menshi;Lesa uwa bukata abulukuta.+
Yehova ali pa muulu wa menshi ayengi.+
4 Ishiwi lya kwa Yehova lya maka;+Ishiwi lya kwa Yehova lya bukata.
5 Ishiwi lya kwa Yehova lilefunaula imikedari;Yehova alelepaula imikedari ya ku Lebanone.+
6 Alenga Lebanone* alatolauka ngo mwana wa ng’ombe,Kabili alenga Sirione+ alatolauka ngo mwana wa mboo.
7 Ishiwi lya kwa Yehova lilalenga inkuba yabyata;+
8 Ishiwi lya kwa Yehova lilalenga amatololo yalatutuma;+Yehova alenga amatololo ya Kadeshe+ yalatutuma.
9 Ishiwi lya kwa Yehova lilenga insebula yalatutuma no kupaapaKabili lipulula ifimuti fya mu mpanga.+
Kabili bonse abali mwi tempele lyakwe balelanda abati: “Ubukata!”
10 Icipuna ca Bufumu ica kwa Yehova caba pa muulu wa menshi ayengi;*+Yehova ni Mfumu kabili akateka umuyayaya.+
11 Yehova akapeela abantu bakwe amaka.+
Yehova akapaala abantu bakwe pa kuti bakabe no mutende.+
Amafutunoti
^ Nelyo “Pepeni.”
^ Nelyo kuti yapilibula no kuti, “pa mulandu wa kuti wa mushilo nga nshi.”
^ Iyi Lebanone ifwile ni mpili sha mu Lebanone.
^ Nelyo “pa muulu wa bemba ya mu muulu.”
