Amalumbo 31:1-24
Ku mukalamba wa bakemba. Ulwimbo lwa kwa Davidi.
31 Muli imwe mwe Yehova, e mo nauba.+
Mwileka nseebane.+
Mpususheni pa mulandu wa bulungami bwenu.+
2 Umfweni ifyo ndelanda.*
Iseni bwangu mumpusushe.+
Beni ulupili lwandi ulwa kuncingilila,Icifulo uko ningabutukila pa kuti mpusuke.+
3 Pantu muli cilibwe candi kabili uwa kuncingilila;+Mukantungulula no kunanga inshila,+ pa mulandu we shina lyenu.+
4 Mukamfumya mwi sumbu ilyo banteya mu bumfisolo,+Pantu nimwe cubo candi.+
5 Mu minwe yenu e mo nabika umupashi wandi.+
Mwandubula mwe Yehova Lesa wa cishinka.*+
6 Nalipata abapepa utulubi utushingabacitila nangu cimo,Lelo ine nacetekela Yehova.
7 Nkasekelela nga nshi pa mulandu wa kuti mulananga ukutemwa ukushipwa,Pantu namumona ifyo ndecula;+Namwishiba ifyo ndi no bulanda nga nshi.*
8 Tamulekele umulwani ancimfya,Lelo mulenga naiminina mu cifulo icacingililwa.*
9 Beni ne cikuuku kuli ine mwe Yehova, pantu ndecula.
Ubulanda nabulenga amenso yandi yanaka+ kumo no mubili wandi onse.*+
10 Umweo wandi uli no bulanda nga nshi+Kabili uleteta.+
Amaka yandi yacepa pa mulandu wa membu shandi;Amafupa yandi yanaka.+
11 Abalwani bandi bonse balampumya,+Maka maka abena mupalamano bandi.
Kabili abo naishibana nabo balantiina;Nga bamona ndi panse, balambutuka.+
12 Tabantontonkanyanapo,* balindaba kwati nalifwa;Ndi ngo mutondo uwatobeka.
13 Nalyumfwa ifingi ifyabipa ifyo bapanga ukuncita;Ndomfwa umwenso.+
Pantu abantiinya balinshinguluka,Ilyo banonganina, balapanga ukunjipaya.+
14 Lelo ine nalimucetekela mwe Yehova.+
Nanda nati: “Nimwe Lesa wandi.”+
15 Inshiku* shandi shili mu minwe yenu.
Mpokololeni ku balwani bandi na kubancusha.*+
16 Lengeni icinso cenu cibalikile umubomfi wenu.+
Nangeni ukutemwa kwenu ukushipwa kabili mpususheni.
17 Mwe Yehova mwileka nseebane nga nalilila kuli imwe.+
Lekeni ababifi e bo baseebane;+Lekeni babe tondolo mu Nshiishi.*+
18 Lekeni imilomo iilanda ifya bufi ibulwe amashiwi ya kulanda,+Imilomo iya matutumuko kabili iya misuula, iilanda icilandelande pa balungama.
19 Ubusuma bwenu bwingi icine cine!+
Mwabusungila abamutiina+ kabili abooba muli imwe,+Mwalenga abantu bonse bamona ubusuma bwenu.
20 Mukabafisa mu cifulo cabelama icaba mupepi na imwe+Ku babapangila;Mukabafisa mu nsakwe yenuKu babasaalula.*+
21 Yehova nalumbanishiwe,Pantu alinanga ukutemwa ukushipwa+ mu nshila ya kupapa, mu musumba uo bashinga ku balwani.+
22 Lelo ine nalitiinine nga nshi, kabili natile:
“Nkaloba pa cinso cenu.”+
Lelo mwalyumfwile ilyo napaapeete ukuti mungafwe.+
23 Temweni Yehova, bonse mwe baba ne cishinka kuli ena!+
Yehova alacingilila uwa cishinka,+Lelo uwa matutumuko alamukanda icabipisha.+
24 Koseni kabili lekeni imitima yenu ishipe,+Imwe bonse mwe balolela Yehova.+
Amafutunoti
^ Nelyo “Kontameni no kukutika.”
^ Nelyo “Lesa wa cine.”
^ Nelyo “Namumona ifyo umweo wandi ulecula.”
^ Nelyo “mu cifulo icapabuka.”
^ Nelyo “umweo wandi no lufumo lwandi.”
^ Mu ciHebere, “Balimfumya mu mitima yabo.”
^ Mu ciHebere, “Inshita.”
^ Nelyo “balapanga ukwipaya umweo wandi.”
^ Nelyo “Sheol,” e kutila inshiishi ya bantu bonse. Moneni Amashiwi ya mu Baibo ne fyo Yapilibula.
^ Mu ciHebere, “ku ndimi ishileumana.”
