Amalumbo 32:1-11
Ulwimbo lwa kwa Davidi. Maskili.*
32 Wa nsansa umuntu uo baeleela icilubo cakwe, uo bafimba pa lubembu lwakwe.*+
2 Wa nsansa umuntu uo Yehova amona ukuti taba na mulandu,+Uushaba no bucenjeshi mu mutima wakwe.
3 Ilyo naikele tondolo, amafupa yandi yalipomponteke pantu nalisakamikwe* akasuba konse.+
4 Pantu akasuba no bushiku ukuboko kwenu* ukwafina kwali pali ine.+
Amaka yandi yalikamine,* nga filya amenshi yakama mu nshita ya lusuba. (Selah)
5 Nasukile nayebelela ulubembu lwandi kuli imwe;Nshafishile icilubo candi.+
Natile: “Nalayebelela imembu shandi kuli Yehova.”+
Na imwe mwalinjelela imembu.+ (Selah)
6 Ici e cikalenga uwa cishinka onse akapepe kuli imwe+Pa nshita mwingasangwa.+
Lyena amafya ayaba nge lyeshi, tayakamusange.
7 Muli imwe e mo mfisama;Mukancingilila ku bucushi.+
Mukalenga ukusekelela kukanshinguluke ilyo mukampususha.+ (Selah)
8 “Nkakufunda kabili nkakulanga inshila iyo ufwile ukwendamo.+
Nkakupanda amano kabili amenso yandi yakaba pali iwe.+
9 Mwiba nga kabalwe nelyo imfalashi, inama ishishiiluka,+Isho babikako umukobelo nelyo isho bakakila intamboPa kuti bashitungulule.”
10 Umubifi alacula sana;Lelo uucetekela Yehova, ukutemwa kwakwe ukushipwa kulamucingilila.+
11 Sekeleleni pa mulandu wa fyo Yehova acita, kabili sansamukeni mwe balungama;Auleni utupundu imwe bonse mwe bakaele.
Amafutunoti
^ Nelyo “uo baeleela.”
^ Nelyo “nalitetele.”
^ Nelyo “ubukali bwenu.”
^ Nelyo “Umutonshi wa bumi bwandi walyalwike.”
