Amalumbo 34:1-22
Ulwimbo ulo Davidi alembele ilyo aifungushenye pa kuti Abimeleke amumone ngo wapena,+ ica kuti alimutamfishe, na o alile.
א [Aleph]
34 Nkalumbanya Yehova inshita yonse;Imilomo yandi tayakaleke ukumulumbanya.
ב [Beth]
2 Nkaitakishisha* muli Yehova;+Abafuuka bakomfwa kabili bakasekelela.
ג [Gimel]
3 Imwe na ine natucindike Yehova;+Natulumbanishishe pamo ishina lyakwe.
ד [Daleth]
4 Nalipepele kuli Yehova kabili alinjaswike.+
Alimpokolwele kuli fyonse ifyalentiinya.+
ה [He]
5 Ifinso fya bamuloleshe fyatendeke ukubengeshima;Taali no kuleka baseebana.
ז [Zayin]
6 Uyu uwacula alikuutile, kabili Yehova alimumfwile.
Alimupuswishe ku macushi yakwe yonse.+
ח [Heth]
7 Malaika wa kwa Yehova apanga inkambi ukushinguluka abatiina Lesa,+Kabili alabapususha.+
ט [Teth]
8 Sondeni no kumona ukuti Yehova musuma;+Wa nsansa umuntu uuba muli ena.
י [Yod]
9 Tiineni Yehova mwe bantu bakwe bonse aba mushilo,Pantu abamutiina tababulisha nangu cimo.+
כ [Kaph]
10 Nangu ni nkalamo ishana isha masense* isha maka kuti shaba ne nsala,Lelo abafwaya ukuti Yehova alebatungulula tabakabulwe nangu cimo icisuma.+
ל [Lamed]
11 Iseni mwe bana bandi, kutikeni kuli ine;Nalamusambilisha ifya kutiina Yehova.+
מ [Mem]
12 Nani pali imwe uwatemwa umweoUwingatemwa ukumona inshiku ishingi ishisuma?+
נ [Nun]
13 Wileka ululimi lobe lulelanda ifyabipa,+Kabili wileka imilomo yobe ilebepa.+
ס [Samekh]
14 Taluka ku fyabipa, kabili ulecita ifisuma;+Fwaya umutende kabili uleusungilila.+
ע [Ayin]
15 Amenso ya kwa Yehova yalamona abalungama,+Kabili amatwi yakwe yalomfwa nga balilila kuli ena ukuti abafwe.+
פ [Pe]
16 Icinso ca kwa Yehova cilalwisha abacita ifyabipa,Akabalofya pe sonde pa kuti kwikaba nangu umo uukabebukisha.+
צ [Tsade]
17 Abalungama balilile kuli Yehova kabili alibomfwile;+Alibapokolwele ku macushi yabo yonse.+
ק [Qoph]
18 Yehova alaba mupepi na baba no bulanda;+Alapususha abasakamikwa.*+
ר [Resh]
19 Amafya ayo uwalungama akwata yengi,+Lelo Yehova alamupokolola ku mafya* yonse.+
ש [Shin]
20 Alalinda amafupa yakwe yonse;Takwaba nangu limo ilyakontokapo.+
ת [Taw]
21 Ifyabipa fikalenga umubifi akafwe;Uwapata uwalungama bakamusanga no mulandu.
22 Yehova alalubula imyeo ya babomfi bakwe;Bonse abooba muli ena takabasange no mulandu.+
Amafutunoti
^ Nelyo “Umweo wandi ukaitakishisha.”
^ Nelyo “imisepela ya nkalamo.”
^ Nelyo “abafuupuka.”
^ Nelyo “amacushi.”
