Amalumbo 36:1-12
Ku mukalamba wa bakemba. Ulwimbo lwa kwa Davidi umubomfi wa kwa Yehova.
36 Ifyabipa e fitungulula umutima wa mubifi;Takuli nangu fimo ifyo amona ifilenga alatiina Lesa.+
2 Pantu mu menso yakwe aimona kwati alilungamaIca kuti tamona ulubembu lwakwe kabili talupata.+
3 Amashiwi alanda yalakalifya kabili ya bucenjeshi;Taishiba ifya kucita icisuma.
4 Na lintu ali pa busanshi bwakwe alapanga ukucita ifyabipa.
Enda mu nshila iyabipa;Takaana ukucita ifyabipa.
5 Mwe Yehova, ukutemwa kwenu ukushipwa kwafika mu myulu,+Icishinka cenu cafika mu makumbi.
6 Ubulungami bwenu bwaba nge mpili ishikalamba;*+Ubupingushi bwenu bwaba nga menshi ayengi.+
Mupususha umuntu ne nama mwe Yehova.+
7 Ukutemwa kwenu ukushipwa mwe Lesa, kwalicindama nga nshi!+
Mu cintelelwe ca mapindo yenu, e mo abana ba bantu babutukila pa kuti bacingililwe.+
8 Banwa ifisuma ifingi* ifyaba mu ng’anda yenu mpaka baikuta,+Mubanwesha ifisuma kabili ifingi nga nshi, nga menshi ya mu mumana.+
9 Nimwe intulo ya mweo;+Ulubuuto lwenu e lulenga twamona ulubuuto.+
10 Twalilileni ukulanga ukutemwa kwenu ukushipwa ku bamwishiba,+No bulungami bwenu ku bakaele.+
11 Mwileka ulukasa lwa wa cilumba lunyanteNelyo ukuboko kwa mubifi kuntamfye.
12 Kulya e ko abacita ifyabipa bawilile;Nababawisha panshi kabili te kuti beme.+
