Amalumbo 39:1-13
Ku mukalamba wa bakemba ba pali Yedutuni.*+ Ulwimbo lwa kwa Davidi.
39 Natile: “Nkalinda intampulo shandiPa kuti nikabembuka ku lulimi lwandi.+
Nkafimba pa kanwa kandi pa kuti nkakacingilile+Ilyo umubifi ali apo ndi.”
2 Nshalelandapo nangu cimo, naikele fye tondolo;+Nangu ni pa fisuma nshalelandapo nangu cimo,Lelo naleumfwa sana ububi.
3 Umutima wandi walepya;*
Ilyo naletontonkanyapo* naleumfwa kwati umulilo ulengoca.
Lyena ululimi lwandi lwalandile ati:
4 “Mwe Yehova, lengeni njishibe ifyo impela yandi ikaba,No bwingi bwa nshiku shandi,+Pa kuti njishibe ifyo ubumi bwandi bwaipipa.
5 Mwalicefya inshiku shandi;*+Kabili mumona inshiku sha bumi bwandi kwati no kuba tashabako.+
Nangu umuntu engamoneka kwati ifyabipa te kuti fimucitikile, aba fye ngo mupu kuli imwe.+ (Selah)
6 Ubumi bwa muntu bupita nge cinshingwa.
Fyonse ifyo acita* aicusha fye.
Alalonganika icuma, lelo teshiba uukacilya.+
7 Nomba cinshi ico nde-enekela mwe Yehova?
Nimwe fye nacetekela.
8 Mpokololeni ku filubo fyandi fyonse.+
Mwileka umuwelewele ansaalule.
9 Naikele tondolo;Nalifililwe ukwasamuna akanwa kandi,+Pantu nimwe mwalengele ukuti ifi ficitike.+
10 Fumyeni icinkunka cenu pali ine.
Amaka yandi nayapwa pa mulandu wa kuti ukuboko kwenu kulanguma.
11 Mulakanda umuntu pa kumulungika pa cilubo acitile;+Mulonaula ifyo amona ukuti fyalicindama, nga filya icipelebesha ca bushiku cicita.
Ukwabula no kutwishika umuntu aba fye ngo mupu kuli imwe.+ (Selah)
12 Umfweni ipepo lyandi mwe Yehova,Kutikeni ilyo ndelilila kuli imwe ukuti mungafwe.+
Mwisuula ifilamba fyandi.
Pantu ndi ngo mweni kuli imwe,+Ndeikala fye inshiku ishinono nga filya ifikolwe fyandi fyonse fyaikele.+
13 Mwindolesha bukali bukali, pa kuti nsansamukeIlyo nshilafwa no kuloba.”
Amafutunoti
^ Mu ciHebere, “walikabile.”
^ Nelyo “naleteta.”
^ Mu ciHebere, “Mwalilenga inshiku shandi shaba ngo lupi mu bwipi.”
^ Mu ciHebere, “Nangu apange icongo.”