Amalumbo 40:1-17
Ku mukalamba wa bakemba. Ulwimbo lwa kwa Davidi.
40 Nalicetekele sana* Yehova,Kabili alyumfwile ifyo nalelanda,* ifyo nalemupaapaata ukuti angafwe.+
2 Amfumishe mu cilindi umwalepooma amenshi,Amfumishe mu matipa.
Kabili abikile amakasa yandi pa cilibwe;Alengele naenda pa mushili uwakosa.
3 Lyena abikile ulwimbo ulupya mu kanwa kandi,+Ulwa kulumbanya Lesa wesu.
Abengi nga bamona ifi bakatiinaKabili bakacetekela Yehova.
4 Wa nsansa umuntu uwacetekela YehovaKabili uushacetekela abashumfwila Lesa nelyo aba bufi.
5 Ifyo mwacita fingi,Mwe Yehova Lesa wandi,Imilimo yenu isuma nga nshi kabili ifyo mutontonkanya pali ifwe ifingatuwamina na fyo fingi+
Takwaba uwalingana na imwe;+Nga nali no kulanda pali ifi fintu,Te kuti mfipende pantu fyalifulisha!+
6 Tamwalefwaya* ilambo no mutuulo,+Lelo mwakomwene amatwi yandi pa kuti yomfwe.+
Tamwalombele imituulo ya koca ne mituulo ya pa lubembu.+
7 Lyena nalandile nati: “Moneni naisa.
Mu cimfungwa* balilanda pali ine.+
8 Ukucita ifyo mufwaya mwe Lesa wandi, e ko natemwa,*+Kabili amafunde yenu yaba mu mutima wandi.+
9 Ndabila imbila nsuma iya bulungami ku bantu abengi nga nshi abalongene.+
Moneni! Nshilesha imilomo yandi,+Nga fintu mwaishiba bwino mwe Yehova.
10 Nshifisa ubulungami bwenu mu mutima wandi.
Ndabila pa fyo mwaba ne cishinka na pa fyo mupususha.
Nshifisa ukutemwa kwenu ukushipwa ne cine cenu ku bantu abengi nga nshi abalongene.”+
11 Mwe Yehova, mwintana uluse lwenu.
Lekeni ukutemwa kwenu ukushipwa ne cine cenu fileninda lyonse.+
12 Amafya nayamfulila ica kutila te kuti njapende.+
Imembu shandi nashifula ica kuti nshilemona no ko ndeya;+Nashifula ukucila umushishi wa ku mutwe wandi,Kabili nimfuupuka.
13 Napaapaata mwe Yehova, mpususheni.+
Mwe Yehova iseni bwangu mu kungafwa.+
14 Bonse abalefwaya ukwipaya umweo wandiNabomfwe insoni kabili baseebane.
Abalesekelela pa mulandu wa kucula kwandiNababwelelemo ninshi nabaseebana.
15 Lekeni abalenjeba abati: “Na kuba bufi!”
Babwelelemo ninshi nabomfwa insoni.
16 Lelo lekeni abamufwaya+Basansamuke kabili basekelele pa mulandu wa kuti balimwishiba.+
Abatemwa ifyo mupususha, nabalelanda lyonse abati:
“Yehova nacindikwe.”+
17 Lelo ine nshakwata uwa kungafwa kabili ndi mupiina;Yehova nambikeko amano.
Nimwe mungafwa kabili nimwe mumpususha.+Mwe Lesa wandi, angufyanyeni ukwisa mu kungafwa.+
Amafutunoti
^ Nelyo “Nalitekenye ilyo nalelolela.”
^ Nelyo “alikonteme pa kuti akutike.”
^ Nelyo “Tamwatemenwe.”
^ Mu ciHebere, “icimfungwa ce buuku.”
^ Nelyo “e ko mfwaya.”