Amalumbo 43:1-5
43 Mpinguleni mwe Lesa,+Ndubulwileniko umulandu+ ku luko ulushaba na cishinka.
Mpususheni ku muntu wa bufi kabili uushalungama.
2 Pantu nimwe Lesa wandi kabili icubo candi.+
Cinshi mwandekelesesha?
Cinshi mwalekela nalaenda no bulanda pa mulandu wa kuti umulwani wandi alencusha?+
3 Tumeni ulubuuto lwenu ne cine cenu.+
Lekeni fintungulule.+Lekeni fintungulule ku lupili lwenu ulwa mushilo na ku cifulo cenu ica lulumbi uko mwikala.+
4 Lyena nkaya ku ciipailo ca kwa Lesa,+Kuli Lesa uulenga ndesekelela nga nshi.
Kabili nkamulumbanya ninshi ndelisha insango,+ mwe Lesa, Lesa wandi.
5 Cinshi nasakamikilwa?*
Cinshi umutima wandi uleculila?
Ndelolela Lesa,+Pantu nkamulumbanya pa mulandu wa kuti ni kalubula wandi umukalamba kabili ni Lesa wandi.+
Amafutunoti
^ Nelyo “Cinshi umweo wandi wasakamikilwa?”
