Amalumbo 45:1-17
Ku mukalamba wa bakemba. “Ulwimbo lwa Maluba.” Ulwa bana baume ba kwa Kora.+ Maskili.* Ulwimbo lwa citemwiko.
45 Umutima wandi nautemwa pa mulandu wa mashiwi ayasuma ayo naumfwa.
Ndetila: “Ulwimbo* nalaimba lulelanda pa mfumu.”+
Ululimi lwandi na lube nga kalembelo*+ ka waishibisha ukukopolola.*+
2 Uli musuma ukucila bonse abana baume ba bantu.
Imilomo yobe ilanda amashiwi ayasuma.+
E co Lesa akupaalila umuyayaya.+
3 Kaka ulupanga lobe+ pa lutungu, we mwaume wa maka,+Kakila pamo no bukata no bucindami bobe.+
4 Kabili mu bucindami bobe kabiye ulecimfya;+Nina pali kabalwe obe pa mulandu wa cishinka no kuicefya no bulungami,+Kabili ukuboko kobe ukwa ku kulyo kukacita* ifya kutiinya.
5 Imifwi yobe yalitwa, ilenga abantu bawila pa ntanshi yobe;+Ipula mu mitima ya balwani ba mfumu.+
6 Lesa e cipuna cobe ica bufumu umuyayaya;+Inkonto ya bufumu bobe ni nkonto ya bulungami.*+
7 Walitemenwe ubulungami+ kabili walipatile ifyabipa.+
E mulandu wine Lesa, Lesa obe, akusubiile+ amafuta no kukulenga ulesekelela sana+ ukucila abanobe bonse.
8 Ifya kufwala fyobe fyonse finunkila muri, aloye na kasia;Ifilimba fya nsale ifilila mwi sano lyobe ilya lulumbi ilya meno ya nsofu filenga ulesekelela.
9 Abana banakashi ba mfumu bali pa banakashi bobe abacindikwa.
Namfumu naiminina ku kuboko kobe ukwa ku kulyo, nafwala ifya kufwala fya golde ya ku Ofiri.+
10 We mwana wandi umwanakashi, umfwa ifyo ndelanda kabili bikako amano;Labako ku bantu bobe na kuli balupwa ba kwa wiso.
11 Kabili imfumu ikalafwaisha ukukumona pantu uli musuma,Pantu yena ni sokulu,E ico ikontamine.
12 Umwana mwanakashi uwa ku Turi akesa no bupe;Abakankaala sana pa bantu bakalafwaya ukuti ubatemwe.*
13 Umwana mwanakashi wa mfumu ali mwi sano* kabili alemoneka bwino;Nafwala ifya kufwala fya golde.*
14 Bakamutwala ku mfumu ninshi nafwala ifya kufwala ifyo bapikula bwino.*
Banacisungu banankwe abalemukonka, bakabaleta pa ntanshi yenu.
15 Ilyo bakabaleta bakalasekelela kabili bakasansamuka;Bakengila mwi sano lya mfumu.
16 Abana bobe abaume e bakapyana ifikolwe fyobe.
Ukabasonta ukuba bacilolo mwi sonde lyonse.+
17 Nkalenga ishina lyenu likeshibikwe mu nkulo shonse.+
E mulandu wine abantu bakamulumbanishisha umuyayaya.
Amafutunoti
^ Mu ciHebere, “Imilimo yandi.”
^ Nelyo “peni.”
^ Nelyo “kalemba.”
^ Mu ciHebere, “ku kakusambilisha.”
^ Nelyo “iya mulinganya.”
^ Nelyo “bakalafwaya ukunasha icinso cobe.”
^ Mu ciHebere, “mu kati.”
^ Mu ciHebere, “ifyo bapikwilamo utwa golde.”
^ Nelyo kuti yapilibula no kuti, “imingila iyo bapikula.”
