Amalumbo 47:1-9
Ku mukalamba wa bakemba. Ulwimbo lwa bana baume ba kwa Kora.+
47 Mwe bantu bonse tooteni.
Welesheni ukuwelesha kwa kucimfya kabili lumbanyeni Lesa ninshi mulesekelela.
2 Pantu Yehova Uwapulamo, wa kutiinya;+E Mfumu iikalamba pano isonde ponse.+
3 Alatucimfishako abantu;Alalenga twacimfya inko.+
4 Alatusalila ubupyani,+Ubo Yakobo uo atemwa ayumfwilapo icilumba.+ (Selah)
5 Lesa anina aya ku cifulo cakwe ninshi abantu balewelesha ukuwelesha kwa kusekelela;Yehova anina aya ku cifulo cakwe ninshi abantu balelisha intandala.*
6 Imbileni Lesa amalumbo,* imbeni amalumbo.
Imbileni Imfumu yesu amalumbo, imbeni amalumbo.
7 Pantu Lesa e Mfumu ye sonde lyonse;+Imbeni amalumbo kabili ilukeni,
8 Lesa aba Imfumu ya nko.+
Lesa aikala pa cipuna cakwe ica Bufumu ica mushilo.
9 Intungulushi sha bantu shalongana pamoKumo na bantu ba kwa Lesa wa kwa Abrahamu.
Pantu intungulushi* sha pano isonde shaba mu minwe ya kwa Lesa.
Nacindamikwa icine cine.+
Amafutunoti
^ Nelyo “isengo lya mpaanga iilume; ipenga.”
^ Nelyo “Shikileni Lesa amalumbo.”
^ Mu ciHebere, “inkwela.”
