Amalumbo 48:1-14
Ulwimbo. Ilumbo lya bana baume ba kwa Kora.+
48 Yehova mukulu kabili alilinga sana ukumulumbanyaLekeni bamulumbanye mu musumba wa kwa Lesa wesu, mu lupili lwakwe ulwa mushilo.
2 Ulupili lwa Sione lwaba ukutali ku kapinda ka ku kuso,Lulamoneka bwino kabili lutali, e lo abantu bonse pe sonde basekelamo,+Musumba wa Mfumu Nkalamba.+
3 Mu mpungu sha uko ishakosa isha pa malinga,Lesa alilenga caishibikwa ukuti e cubo.*+
4 Pantu moneni! imfumu shalilongene;*Shaya ku musumba.
5 Ilyo shamwene umusumba, shalipapile.
Shalitiinine no kufulumuka.
6 Shalitendeke ukututuma,Shaliculile nga filya umwanakashi uulepaapa acula.
7 Mwatobaula amato ya ku Tarshishi no mwela wa ku kabanga.
8 Ifyo twaumfwile, e fyo tuleimwenaMu musumba wa kwa Yehova wa mabumba, mu musumba wa kwa Lesa wesu.
Lesa akaucingilila umuyayaya.+ (Selah)
9 Mwe Lesa, tutontonkanya pa kutemwa kwenu ukushipwa,+Mwi tempele lyenu.
10 Mwe Lesa, ishina lyenu no kumulumbanyaFyafika ku mpela sha pano isonde.+
Ukuboko kwenu ukwa ku kulyo kwaisulamo ubulungami.+
11 Nalusekelele Ulupili lwa Sione,+Imisumba inono iya mu Yuda,* naisekelele pa mulandu wa bupingushi bwenu.+
12 Shingulukeni Sione, bonse shingulukeni umusumba;Mupende impungu sha uko.+
13 Bikeni imitima yenu pa malinga ya uko ayakosa.+
Ceeceeteni impungu sha uko ishakosa,Pa kuti mukalondolwele aba mu nkulo ishikakonkapo.
14 Pantu uyu Lesa ni Lesa wesu+ umuyayaya.
Akatwalilila fye ukututungulula.*+
Amafutunoti
^ Nelyo “ulupili lwa kubutukilako pa kuti umuntu acingililwe.”
^ Nelyo “shalikumene pa mulandu wa kuti shalipangene.”
^ Mu ciHebere, “Abana banakashi ba mu Yuda.”
^ Nelyo kuti yapilibula no kuti, “Akulatutungulula mpaka tukafwe.”
