Amalumbo 51:1-19
Ku mukalamba wa bakemba. Ulwimbo lwa kwa Davidi. Ilyo Natani kasesema aile kuli ena pa numa ya kuti Davidi acita ubucende na Bati-sheba.+
51 Mbeleleni uluse mwe Lesa pantu mwaliba no kutemwa ukushipwa.+
Fuuteni imembu shandi pantu mwaliba no luse nga nshi.+
2 Nsambeni bwino bwino pa kuti icilubo candi cifume pali ine,+Kabili nsangululeni ku lubembu lwandi.+
3 Pantu nalishiba ifilubo nacita,Kabili ulubembu nacita lyonse luba pa ntanshi yandi.*+
4 Nimwe nabembukila sana,*+Ifyabipa mu menso yenu e fyo nacita.+
E ico mulalungika mu fyo mulandaUbupingushi bwenu bwalilungama.+
5 Moneni! Nafyelwe no mulandu wa lubembu,Kabili mayo anjimitiile mu lubembu.*+
6 Moneni! Mulasekelela nga mwamona umutima wa cishinka;+Nsambilisheni pa kuti mbe no mutima wa mano.
7 Bomfyeni husope* pa kunsangulula ku lubembu, pa kuti imbe uwasanguluka;+Nsambeni pa kuti mbuute tuutu.+
8 Lekeni ng’umfwe ishiwi lya kwanga no kusekelela,Pa kuti amafupa mwatobele yakasekelele.+
9 Fumyeni icinso cenu* pa membu shandi,+Kabili fuuteni* ifilubo fyonse ifyo nacita.+
10 Lengeni imbe no mutima uwasanguluka mwe Lesa,+Bikeni muli ine umutima uusuma,+ umutima wa cumfwila.
11 Mwintamfya pa cinso cenu;Kabili mwifumya umupashi wenu uwa mushilo pali ine.
12 Lekeni nsekelele nga filya nasekelele ilyo mwampuswishe,+Lengeni ndefwaisha ukulamumfwila.*
13 Nkasambilisha bampulamafunde inshila shenu,+Pa kuti ababembu bakabwelele kuli imwe.
14 Mwe Lesa nimwe mumpususha,+ mbeleleni uluse pa fyo nalengele umuntu afwa,+Pa kuti ululimi lwandi lulesekelela ilyo lulebilisha ubulungami bwenu.+
15 Mwe Yehova, asamuneni akanwa kandi,Pa kuti kamulumbanye.+
16 Pantu amulafwaya ilambo, nga nalimupeela;+Tamusekelela mu mutuulo wa koca.+
17 Amalambo ayo Lesa asekelamo mutima wa bulanda;Umutima wa bulanda kabili uwasakamikwa, tamwakaukaane* mwe Lesa.+
18 Mu kutemwa kwenu citileni Sione icisuma;Kuuleni ifibumba fya Yerusalemu.
19 Lyena mukasekelela mu malambo ya bulungami,Mu malambo ya koca na mu mituulo;Lyena ing’ombe ishilume bakashituula pa ciipailo cenu.+
Amafutunoti
^ Nelyo “lyonse ndalutontonkanyapo.”
^ Mu ciHebere, “Nimwe fye nabembukila.”
^ Nelyo “Kabili ndi mubembu ukutula fye ilyo mayo anjimite.”
^ Nelyo “Fiseni icinso cenu.”
^ Nelyo “fumyeni.”
^ Mu ciHebere, “Ntungilileni no mupashi wa kuitemenwa.”
^ Nelyo “tamwakausuule.”
