Amalumbo 55:1-23
Ku mukalamba wa bakemba abalisha ifilimba fya nsale pa kwimba. Maskili.* Ulwimbo lwa kwa Davidi.
55 Umfweni ipepo lyandi mwe Lesa,+Kabili mwisuula ifyo ndelomba ukuti mung’umfwile uluse.*+
2 Mbikeniko amano kabili njasukeni.+
Ifinsakamike nafinasha,+Kabili ninsakamikwa icine cine
3 Pa mulandu wa fyo umulwani alandaNe fyo umubifi ancusha.
Pantu batuulika pali ine ifyabipa,Kabili balimpata icine cine.+
4 Umutima wandi uli no bulanda nga nshi,+Kabili ndetiina imfwa.+
5 Ndi no mwenso kabili ndetutuma,Ukututuma nakunjikata.
6 Ntwalilila ukulanda ati: “Nkwata amapindo nge nkunda,
Kuti napupuka, nayaikala ku cifulo uko ningacingililwa!
7 Moneni! Kuti napupukila ukutali sana.+
Kuti nayaikala mu matololo.+ (Selah)
8 Kuti na-angufyanya ukuya ku cifulo uko ningoobaUkushaba umwela uukalamba ne nkuuka.”
9 Mwe Yehova, fulunganyeni abacita ifyabipa kabili fulunganyeni amapange yabo,*+Pantu nimona abantu mu musumba balecita ulukaakala kabili balelwa.
10 Akasuba no bushiku ulukaakala no lubuli filenda pa malinga ya uko;Kabili mu kati ka uko mwaba ifyabipa na mafya.+
11 Ubucushi bwaba fye ukuli konse mu musumba;Mu lubansa lwa uko mwaisula ukucula no bucenjeshi.+
12 Pantu te mulwani uumpumya;+Nga ni ena kuti nashipikisha.
Te mulwani uwanjimina;Nga ni ena kuti nabelama.
13 Lelo niwe, we muntu nga ine,*+We munandi uo naishiba bwino.+
14 Twali sana ifibusa;Twaleba na bantu abengi pa kwingila mu ng’anda ya kwa Lesa.
15 Ubonaushi nabubemine!+
Nabatentemukile ku Nshiishi* aba mweo;Pantu bekala no bubifi kabili bwaba muli bena.
16 Lelo ine nkalilila kuli Yehova Lesa,Kabili akampususha.+
17 Icungulo, ulucelo na kasuba pa kati, ndasakamikwa kabili ndateta,*+Kabili Lesa alomfwa ishiwi lyandi.+
18 Akampususha* kabili akalenga nkatuushe* ku balendwisha,Pantu abantu abengi balanjimina.+
19 Lesa akomfwa kabili akabasuka,+Uwaikala pa cipuna ca Bufumu ukufuma na kale.+ (Selah)
Abashitiina Lesa,+Bakakaana ukwaluka.
20 Umunandi* alisanshile abashali abalwani bakwe;+Alitobele icipangano cakwe.+
21 Amashiwi alanda yalitelela ukucila umukaka watikama,*+Lelo mu mutima wakwe mwaba ulubuli.
Amashiwi alanda yalinakilila ukucila amafuta,Lelo yaba nga bapanga abatwa.+
22 Poosa icisendo cobe pali Yehova,+Na o akakukosha.+
Takaleke uwalungama akawe.*+
23 Lelo imwe mwe Lesa mukabengisha mu cilindi icitali.+
Abaume ababa no mulandu wa mulopa kabili incenjeshi, tabakafishe na hafu ya nshiku shabo isha kuba no mweo.+
Lelo ine nkamucetekela.
Amafutunoti
^ Nelyo “Kabili mwibelama ilyo ndepepa kuli imwe ukuti mungafwe.”
^ Mu ciHebere, “akanyeni indimi shabo.”
^ Nelyo “umuntu uwalingana na ine.”
^ Nelyo “Sheol,” e kutila inshiishi ya bantu bonse. Moneni Amashiwi ya mu Baibo ne fyo Yapilibula.
^ Nelyo “ndapunda.”
^ Mu ciHebere, “Akandubula.”
^ Nelyo “akalenga umweo wandi ukatuushe.”
^ E kutila, uwali kale umunankwe uo balandilepo mu cikomo 13 na 14.
^ E kutila Bata.
^ Nelyo “akatalantante.”
