Amalumbo 58:1-11
-
Kwaliba Lesa uupingula pano isonde
-
Ipepo lya kulomba ukuti Lesa akande ababifi (6-8)
-
Ku mukalamba wa bakemba. “Ulwa Pali Mwionaula.” Ulwimbo lwa kwa Davidi. Miktamu.*
58 Bushe kuti mwalanda pa bulungami nga mwikele fye tondolo?+
Mwe bana ba bantu, bushe kuti mwapingwila mu bulungami?+
2 Mupanga ukucita ifishalungama mu mitima yenu,+Kabili iminwe yenu icita ulukaakala mu calo.+
3 Ababifi balifuma mu nshila,* ukutula fye ilyo bafyelwe;*Tabacita ifyalungama, ba bufi ukufuma fye ilyo bafyelwe.
4 Ifyo balanda fyaba ngo busungu bwa nsoka;+Balikoma amatwi nge nsoka ya busungu sana* iishifwaya ukumfwa.
5 Tayumfwa ishiwi lya baishiba umuti wa nsoka,Nangu bengeshiba shani umuti wa kwikatilako insoka.
6 Mwe Lesa, basokoleni ameno.
Mwe Yehova, tobauleni insekete sha aba bantu ababa nge nkalamo.*
7 Nabalobe nga menshi ayakama.
Natiinte ubuta bwakwe pa kuti abepaye ku mifwi yakwe.
8 Nababe nge nkola iisunguluka ilyo ile-enda;Nababe ngo mwana uufwila mwi fumo lya kwa nyina, kabili uushimonapo akasuba.
9 Ilyo umulilo wa tumuti twamyunga ushilakafya impoto shenu,Akapyanga utumuti twa myunga utulepya no tubishi, nga filya umwela uukalamba upyanga ifintu.+
10 Uwalungama akasekelela pantu namona uko ababifi balebalandula;+Amakasa yakwe yakanyanta mu mulopa wa babifi.+
11 Lyena abantu bakalanda abati: “Cine cine uwalungama balamulambula.+
Ukwabula no kutwishika kwaliba Lesa uupingula pano isonde.”+
Amafutunoti
^ Mu ciHebere, “ilyo bafumine mwi fumo.”
^ Nelyo “balacita ifyabipa.”
^ Iyi insoka imoneka nga kafi.
^ Nelyo “inkalamo ishana isha masense.”
