Amalumbo 59:1-17
Ku mukalamba wa bakemba. “Ulwa Pali Mwionaula.” Ulwimbo lwa kwa Davidi. Miktamu.* Ilyo Shauli atumine abaume aba kuyalonda ing’anda ya kwa Davidi pa kuti amwipaye.+
59 Mwe Lesa wandi, mpususheni ku balwani bandi;+Ncingilileni ku bantu abalenjimina.+
2 Mpokololeni ku bacita ifyabipa,Kabili mpususheni ku ba lukaakala.*
3 Moneni! balambelamina pa kuti bansanse;+Abantu abakosa balansansaTe pa mulandu wa kuti nalipondoka nelyo nalibembuka,+ mwe Yehova.
4 Nangu ca kuti nshacita ifyabipa, balangufyanya ukuipekanya pa kuti bansanse.
Nga nalilila kuli imwe, mwime pa kuti mungafwe kabili mumone ifyo balecita.
5 Pantu imwe, mwe Yehova Lesa wa mabumba, nimwe Lesa wa bena Israele.+
Imeni mumone ifyo inko shonse shilecita.
Mwibelela uluse bacipondoka babipisha.+ (Selah)
6 Lyonse babwela icungulo;+Babuluma* nge mbwa+ kabili bapitana mu musumba.+
7 Moneni ifilepongoloka mu tunwa twabo;Imilomo yabo yaba kwati ni bapanga,+Pantu batila: “Nani uuleumfwa?”+
8 Lelo imwe mwe Yehova, mukabaseka;+Mukapumye nko shonse.+
9 Mwe Lesa nimwe mumpeela amaka, nkatwalilila ukulola ilyo ndemulolela;+Pantu Lesa e cubo candi.*+
10 Lesa uunanga ukutemwa ukushipwa akesa mu kungafwa;+Lesa akalenga nkamoneko uko abalwani bandi bakabacimfya.+
11 Mwibepaya pa kuti abantu bandi bekalaba.
Ku maka yenu balengeni bale-endauka fye;Lengeni babacimfye mwe Yehova, mwe nkwela yesu.+
12 Pa mulandu wa lubembu lwa mu tunwa twabo, amashiwi imilomo yabo ilanda,Na pa mulandu wa kuti balatiipa abantu no kubepa ubufi,Nabekatwe mu cilumba cabo.+
13 Bepayeni ninshi namukalipa;+Bepayeni pa kuti mubalofye;Lengeni beshibe ukuti Lesa e uteka abatuntuka muli Yakobo ukufika fye na ku mpela sha pano isonde.+ (Selah)
14 Lekeni babwele icungulo;Lekeni babulume* nge mbwa kabili bapitane mu musumba.+
15 Balekeni bale-endauka fye ku kufwaya ifya kulya;+Mwileka bekute kabili mwileka basange umwa kulaala.
16 Lelo ine, nkemba pa maka yenu,+Mu nshita ya lucelo nkalasekelela ilyo nkalabila pa kutemwa kwenu ukushipwa.
Pantu muli cubo candi+Kabili icifulo umo mfulumukila mu nshita ya macushi.+
17 Mwe Maka yandi, nkamwimbila inyimbo sha kumulumbanya,*+Pantu Lesa e cubo candi, Lesa uunanga ukutemwa ukushipwa.+
Amafutunoti
^ Nelyo “abafwaisha ukusumya umulopa.”
^ Nelyo “Babosa.”
^ Nelyo “ulupili lwa kubutukilako pa kuti umuntu acingililwe.”
^ Nelyo “babose.”
^ Nelyo “nkamushikila inyimbo.”
