Amalumbo 6:1-10
Ku mukalamba wa bakemba; abalisha ifilimba fya nsale ifya pali Sheminiti* pa kwimba. Ulwimbo lwa kwa Davidi.
6 Mwe Yehova, mwinungika ninshi namukalipa,Kabili mwinungika ninshi muli ne cipyu.+
2 Ng’umfwileni uluse mwe Yehova pantu amaka yandi yele yalepwa.
Ng’undapeni mwe Yehova+ pantu amafupa yandi yaletenta.
3 Ninsakamikwa nga nshi,*+Kabili ndeipusha imwe mwe Yehova nati, ni lilali nkaleka ukucula?+
4 Mwe Yehova iseni mumpokolole;*+Mpususheni pa mulandu wa kutemwa kwenu ukushipwa.+
5 Pantu abafwa te kuti balande pali imwe;*Nani uwaba mu Nshiishi* uwingamulumbanya?+
6 Ninaka pa mulandu wa kuteta kwandi;+Ubushiku bonse ifilamba fyandi filabomfya apo ndaala;*Pa cipuna apo njikala paba fye ifilamba fyeka fyeka.+
7 Ilinso lyandi nalinaka pa mulandu no bulanda;+Nalileka ukumwenekesha* pa mulandu wa bantu bonse abancusha.
8 Ntalukeni bonse mwe bacita ifyabipa,Pantu Yehova akomfwa ishiwi lya kulila kwandi.+
9 Yehova akomfwa nga namulomba ukuti ang’umfwile uluse;+Yehova akasuka ipepo lyandi.
10 Abalwani bandi bonse bakaseebana kabili bakasakamikwa;Mukupumikisha bakafulumuka ninshi nabekatwa insoni.+
Amafutunoti
^ Nelyo “Umweo wandi nausakamikwa nga nshi.”
^ Nelyo “mupokolole umweo wandi
^ Nelyo “Sheol,” e kutila inshiishi ya bantu bonse. Moneni Amashiwi ya mu Baibo ne fyo Yapilibula.
^ Nelyo “te kuti bamwibukishe.”
^ Mu ciHebere, “ndalenga ubusanshi bwandi bwalaowa.”
^ Nelyo “nalikota.”
