Amalumbo 61:1-8
-
Lesa lupungu ulwakosa uluncingilila ku balwani
-
“Nkaba umweni mwi tenti lyenu” (4)
-
Ku mukalamba wa bakemba abalisha ifilimba fya nsale pa kwimba. Ulwimbo lwa kwa Davidi.
61 Mwe Lesa, umfweni ukupaapaata kwandi ukwa kuti mungafwe.
Kutikeni ipepo lyandi.+
2 Ku mpela sha pano isonde e ko nkalilila kuli imweUmutima wandi nga wacula.*+
Ntungululeni ku cilibwe icasansuka ukuncila.+
3 Pantu muli cubo candi,Muli lupungu ulwakosa uluncingilila ku mulwani.+
4 Nkaba umweni mwi tenti lyenu umuyayaya;+Nkooba mu mapindo yenu.+ (Selah)
5 Pantu imwe, mwe Lesa, mwalyumfwa imilapo yandi.
Mwalimpeela ubupyani ubo mupeela abatiina ishina lyenu.+
6 Imfumu mukailundilako inshiku isho ikaba no mweo,*+Kabili ikekala imyaka iingi nga nshi.
7 Ikekala pa cipuna ca bufumu umuyayaya pa ntanshi ya kwa Lesa;+Peeleni imfumu ukutemwa ukushipwa ne cishinka, pa kuti fileicingilila.*+
8 Lyena nkembila ishina lyenu amalumbo* umuyayaya+Ilyo nkalafikilisha imilapo yandi cila bushiku.+
Amafutunoti
^ Nelyo “wanaka.”
^ Mu ciHebere, “mukalundako inshiku ku nshiku sha mfumu.”
^ Nelyo “Ebeni ukutemwa ukushipwa ne cishinka ukuti filecingilila imfumu.”
^ Nelyo “nkashikila ishina lyenu inyimbo.”
