Amalumbo 62:1-12
Ku mukalamba wa bakemba ba pali Yedutuni.* Ulwimbo lwa kwa Davidi.
62 Ndalolela* Lesa ninshi nintekanya ukuti acitepo cimo.
E umpususha.+
2 E cilibwe candi kabili e pusukilo lyandi, cubo* candi;+Nshakatelentenshiwe sana.+
3 Ni lilali mukaleka ukusansa umuntu pa kuti mumwipaye?+
Bonse mwaba nge cibumba icaongama, icibumba ca mabwe icili mu kuwa.*
4 Balapandana amano pa kuti bamufumye pa cifulo ca pa muulu;*Balomfwa bwino ukubepa.
Mu tunwa twabo balapaala, lelo mu mitima yabo balatiipa.+ (Selah)
5 Ndalolela* Lesa ninshi nintekanya ukuti acitepo cimo,+Pantu e ulenga naba ne subilo.+
6 Cilibwe candi kabili e pusukilo lyandi, cubo candi;Nshakatelentenshiwe.+
7 Lesa e umpususha kabili e bukata bwandi.
Cilibwe candi icakosa kabili e cubo candi.+
8 Mwe bantu mulemucetekela inshita yonse,
Mwebeni fyonse ifili mu mitima yenu.+
Lesa e cubo cesu.+ (Selah)
9 Abana ba bantu mupu,Abana ba bantunse cubo ca bufi.+
Bonse nga bababika pali sekelo umupu ulafinapo.+
10 Mwilacetekela mu bucenjeshi pa kuti munonke ifyuma,Nelyo ukucetekela mu fintu fya kwiba,
Ifyuma fyenu nga fyafula, mwilabikako imitima yenu.+
11 Lesa alandile umuku umo, ine naumfwile imiku ibili ukuti:
Amaka yafuma kuli Lesa.+
12 Ukutemwa ukushipwa na ko kwenu mwe Yehova,+Pantu mulambula umuntu ukulingana ne fyo acita.+
Amafutunoti
^ Nelyo “Umweo wandi ulalolela.”
^ Nelyo “ulupili lwa kubutukilako pa kuti umuntu acingililwe.”
^ Nelyo kuti yapilibula no kuti, “Imwe bonse mulemusansa kwati cibumba icatundama, icibumba ca mabwe icili mu kuwa.”
^ Nelyo “bamufumye pa bucindami bwakwe.”
^ Nelyo “We mweo wandi tekanya ilyo ulelolela.”
